ZINGO NA LANGO! N° 2 2018 | Aye 12 so ayeke sara si sewa aduti na ngia
Aye 12 so ayeke sara si sewa aduti na ngia
E yeke mä ka atënë ti aye so asara si ambeni sewa ayeke na ngia ape. Me zia e bâ nyen la asara si ambeni sewa ayeke na ngia.
Na États-Unis, na popo ti ngu 1990 ti si na ngu 2015, wungo ti azo so asara divorce, so ngu ti ala ahon ngu 50, ague na li ni fani use; nga ti ala so ngu ti ala ahon ngu 65, wungo ni ague na li ni fani ota.
Ababâ na amama ahinga ye so ala lingbi ti sara ape: Ambeni wandara atene so ayeke bien ti voro molenge lakue, me ambeni atene so ayeke bien ti duti dur na molenge tongaso si lo ga nzoni zo.
Amolenge ayeke ga kota zo sân ti tene ala hinga ti sara ambeni ye wala ala duti na ambeni sarango ye so apeut ti aidé ande ala na yâ ti tanga ti gigi ti ala.
Me ti tâ tënë ni . . .
Mariage ayeke ye so apeut ti ga na ye ti nzoni nga apeut ti ngbâ biani biani.
Ababâ na amama apeut ti manda ti fa lege na amolenge ti ala na ndoye.
Amolenge apeut ti hinga ti sara ambeni ye wala ti duti na ambeni sarango ye so apeut ti aidé ande ala tongana ala ga kota zo.
Tongana nyen? Zingo na lango! so ayeke sara tënë na ndö ti aye 12 so ayeke sara si sewa aduti na ngia.
1: Duti be-ta-zo na mba
Awango ota so alingbi ti aidé akoli na awali ti ala ti ngbâ gï na mba.
2: Sara kua maboko na maboko
Eskê mo na koli wala wali ti mo ayeke gï tongana azo alango da oko, me pëpe tongana akoli na awali?
3: Ne mba
Bâ ambeni ye so mo lingbi ti tene wala ti sara ti tene koli wala wali ti mo abâ so mo ne lo.
4: Pardonné mba
Nyen la apeut ti aidé mo hon na ndö ti afaute so koli wala wali ti mo asara?
5: Sara lisoro
Bâ aye ota so apeut ti mû maboko na mo ti nga nduru mingi na amolenge ti mo.
6: Fa lege
Eskê fango lege ayeke sara si molenge abâ so lo yeke ye oko ape?
7: Fa anzoni sarango ye
Anzoni sarango ye wa la mo doit ti fa na amolenge ti mo ti duti na ni?
8: Zia nzoni tapande
Tongana mo ye ti tene amolenge ti mo asara ye so mo tene, sara ye alingbi na tënë so mo tene.
9: Hinga mo wani
Tongana nyen la amaseka alingbi ti gbu atënë ti mabe ti ala ngangu?
10: Duti zo ti confiance
Ti gue na babâ na mama ti mo ti sara confiance na mo, a yeke mbeni kota ye so afa so mo komanse ti ga kota zo awe.
11: Duti zo so aye kua
Ti manda ti ye kua na ngoi so mo de maseka ayeke aidé ande mo mingi atâa nyen la mo yeke sara na yâ ti gigi ti mo.
12: Leke ti sara ambeni ye
Tongana mo sara mbeni ye so mo leke ti sara, mo yeke duti na confiance na mo wani, a yeke nzere na amba ti mo mingi nga mo yeke duti na ngia mingi.
Mbeni ye so alingbi ti aidé sewa mingi
Awango ti Bible alingbi ti sara si sewa ti mo aduti na ngia.
