Yesuusi Reyo Qaagooshshe
Qidaame, Dotteessa 4, 2017 (Dotteessa 12, 2025)
Yihowa Farciˈraasine, Yesuusi hajajino garinni dirunni mitte higge reyosi Qaagooshshi Ayyaana ayirrissanno; isi togo yee hajajino: “Konne woˈmanka woyite ane qaagooshshira asse.”—Luqaasi 22:19.
Konni ayyaanira ayirrinyunni koyinsoommohe.
Duuchu Manni Xaˈmanno Xaˈmo
Pirogiraame mageeshshi yanna keeshshitanno?
Mitte saate balla keeshshitanno.
Bayichu mamaati?
Qarqariˈnera konne ayyaana ayirrinsanni bayicho afate, Yihowa Farciˈraasine xaˈmi.
Pirogiraame macciishshate woxe baaxxeemmo?
Dibaaxxatto.
Pirogiraamete yannara woxe gamba assinanni?
Diassinanni.
Pirogiraamete baxxitino uddano uddiˈra hasiissannoe?
Konni ayyaanira baxxino uduunne uddiˈra hasiissannokkiha ikkirono, Yihowa Farciˈraasine Qullaawu Maxaafi yaanno garinni amanyootunni kawajjaame uddano uddiˈrate sharrantanno. (1 Ximootewoosi 2:9) Lowo woxinni hirroonniha woy hoola yinoonni uduunne uddiˈra gidde diˈˈikkitino.
Qaagooshshu Ayyaani yannara maa maa assinanni?
Konni gambooshshira hanafotenna jeefote faarso faarsineemmo; qoleno mittu Yihowa Farciˈraasinchi huuccatto assanno. Yesuusi reyo hasiissannota ikkitinohu mayiraatironna Maganunna Kiristoosi assitinonke qixxaawonni horo afiˈrate maa assa hasiissannonkero Qullaawu Maxaafinni kullanni.
Ledde afate, “Yihowa Farciˈraasine Mootichu Hurbaate Ayirrissanno Gari Wole Ammaˈnowiinni Baxxannohu Mayiraati?” yaanno birxicho nabbawi.
Albillitte Qaagooshshu Ayyaana ayirrinsannihu mamoote mamooteeti?
2025: Qidaame, Dotteessa 12
2026: Hamuse, Dotteessa 2
Kurino Lai
QAAGOOSHSHU AYYAANA
Yesuusi Reyo Qaagi
Yesuusi hajajino garinni reyosi ayyaana ayirrinseemmo wote ledonke gamba yaattora ayirrinyunni koyinsoommohe. Yesuusi heeshshonna reyosi kaaˈlitannohe gara rosatto.
KAA'LANNOHA QULLAAWU MAXAAFI ROSO
Yesuusi Reyinohu Mayiraati?
Qullaawu Maxaafi, Yesuusi reyo lowore assitannota kulanno. Isi reyinohu mayiraati?