O loo maua i le Tusi Paia le atamai e sili atu mo le olaga i aso faisoo. Pe afai e fai ma ou masani le faitau, manatunatu loloto i ai, ma faatatau mea e te aʻoaʻoina, “ona manuia ai lea o ou ala.” (Iosua 1:8; Salamo 1:​1-3) O le a e iloa lelei ai le Atua, o lona Alo o Iesu, ma o lenā poto e taʻitaʻia ai i le ola e faavavau.​—Ioane 17:3.

O le ā le faasologa e ao ai ona e faitauina tusi o le Tusi Paia? E pule lava oe. E fesoasoani lenei faasologa mo le faitauga Tusi Paia e faitau ai tusi o le Tusi Paia mai lava i le amataga seʻia oo i le faaiʻuga, pe faitau foʻi e tusa ma le faasologa o mataupu eseese. O se faataʻitaʻiga, e mafai ona e faitau i ni vaega o loo faamatalaina ai le talafaasolopito o feutagaʻiga a le Atua ma le nuu o Isaraelu. E mafai foʻi ona e faitau i isi vaega e iloa ai le auala na faavaeina ma tuputupu aʻe ai le faapotopotoga Kerisiano i le uluaʻi senituri. Pe afai e te faitauina ni vaega o mataupu i aso taʻitasi, o le a mafai la ona e faitauina le Tusi Paia atoa i se tausaga.

Po o le ā lava le ituaiga o faasologa mo le faitauga Tusi Paia o le a e filifilia, ae o le a fesoasoani lenei faasologa iā te oe. Kopi lenei faasologa mo le faitauga Tusi Paia, ma amata loa ona faitau le Tusi Paia.