Faataoto 15:1-33
15 O le tali filemu e liliueseina ai le lotoa,+A o le upu faatigā e tupu ai le ita.+
2 O laulaufaiva o ē e atamamai e tautatala ma le poto,*+A o gutu o ē e vālea e puna mai ai le valea.
3 O loo i mea uma lava fofoga o Ieova,O loo silasila i ē e amioleaga ma ē e amiolelei.+
4 O le laulaufaiva e to‘afilemu,* o le laau o le ola lea,+A o faamatalaga faapiʻopiʻo e tupu ai le atuatuvale.*
5 O le tagata valea e lē amanaʻia le aʻoaʻi atu a lona tamā,+A o lē e iai le utaga mamao e na te taliaina faasa‘oga.*+
6 Ua tele oloa i le fale o lē e amiotonu,A o fua o galuega a* le tagata amioleaga ua oo ai mala iā te ia.+
7 E faasalalau atu e laugutu o tagata atamamai le poto,+Ae e lē faapena loto o tagata vālea.+
8 E inosia e Ieova le taulaga a ē e amioleaga,+A o le tatalo a ē e amio saʻo e fiafia i ai o Ia.+
9 E inosia e Ieova le ala o le tagata amioleaga,+Ae e alofa o ia i lē e na te tuliloaina le amiotonu.+
10 E leaga* le aʻoaʻiga i le manatu o lē ua tuulafoa‘ia le ala,+Ae o so o se tasi e ʻinoʻino i le aʻoaʻiga e oti o ia.+
11 Afai e silafia e Ieova ē o loo i le Tuugamau* ma le nofoaga e faaumatia ai,+
E sili atu la ona silafia e ia loto o tagata!+
12 E lē alofa o lē e tauemu i lē e faasa‘oina* o ia.+
E lē fesili atu o ia i ē e atamamai.+
13 O le lotofiafia e fiafia ai foliga o se tagata,A o le lototigā e nutimomoia ai le agaga.+
14 O le loto e malamalama e saʻili i le poto,+A o le gutu o le tagata valea e fiafia i* le valea.+
15 O aso uma o lē ua mafatia e leaga,+A o lē ua olioli* lona loto, e fai e lē aunoa lana faigaʻai.+
16 E sili le iai o mea itiiti ae o loo mataʻu iā Ieova,+Nai lo o le tele o le tamaoaiga ae o loo atuatuvale.*+
17 E sili le iai o se ipu fualaau faisua ae o loo iai le alofa,+Nai lo o le povi poʻa peti ae o loo iai le ʻinoʻino.+
18 O le tamāloa e vave ona ita e na te faatupuina vevesi,+A o lē e telegese lona ita e na te faafilemuina se misa.+
19 O le ala o le tagata paiē e pei o le pā laau tuitui,+A o le ala o tagata amio saʻo, e pei o le ala tele lamolemole.+
20 O le atalii atamai e na te faafiafia i lona tamā,+A o le tagata valea e ʻinoʻino i lona tinā.+
21 O le valea, o le mea lea e olioli ai lē ua leai sona mafaufau,*+A o le tagata ua iai le faautaga loloto, e savali o ia i le auala saʻo.+
22 E faalēaogāina fuafuaga pe a leai ni talanoaga,*A o le toʻatele o le ʻaufaufautua e faataunuu ai mea.+
23 E olioli le tagata i le avatuina o se tali sa‘o,*+Ma e maʻeu le matagofie o le upu e fai i le taimi talafeagai!+
24 O le ala o le ola e alu aʻe i lē ua iai le tofā mamao,+Ina ia leoleo ai o ia mai i le alu ifo i le Tuugamau.*+
25 E lepetia e Ieova le fale o ē e fiasili,+Ae e na te puipuia le tuaoi o le fanua o le fafine ua oti lana tane.+
26 E inosia e Ieova faufauga a ē e amioleaga,+Ae e mamā iā te Ia upu e logolelei.+
27 O le tagata e maua polofiti i faiga lē tonu, ua ia aumaia faafitauli* i lona lava aiga,+A o lē e ʻinoʻino i faiga faatogafalea e ola pea o ia.+
28 O le loto o lē e amiotonu e mafaufau loloto a o le‘i tali atu,*+A o gutu o ē e amioleaga e puna mai ai mea leaga.
29 E mamao Ieova mai i ē e amioleaga,Ae faafofoga o ia i le tatalo a ē e amiotonu.+
30 O le malamalama o mata* e faafiafia ai le loto;O se lipoti lelei e faalaeiauina ai.*+
31 O lē e faalogo i le aʻoaʻiga e ola ai,E mau faatasi ma tagata atamamai.+
32 O so o se tasi e teena le aʻoaʻiga e ʻinoʻino o ia i lona ola,+A o lē e faalogo i le aʻoaʻiga ua ia maua le malamalama.*+
33 O le mataʻu iā Ieova e aʻoaʻoina ai se tasi ina ia atamai,+Ma o le lotomaulalo e faamamaluina ai.+
Faamatalaga Pito i Lalo
^ Po o le “e faia mea lelei ma le poto.”
^ Po o le “O le laulaufaiva e mālōlō ai.”
^ Epe., “momomo ai le agaga.”
^ Po o “aʻoaʻiga.”
^ Po o “le totogi o.”
^ Po o le “tugā.”
^ Po o “Seoli.” Tagaʻi i le Uiga o Upu.
^ Po o le “aʻoaʻia.”
^ Po o le “e tuliloaina.”
^ Po o le “lelei.”
^ Po o le “fenuminumiaʻi.”
^ Po o le “ua leai se uunaʻiga lelei o le loto.”
^ Po o “talanoaga i mataupu faalilolilo.”
^ Epe., “i le tali atu a lona gutu.”
^ Po o “Seoli.” Tagaʻi i le Uiga o Upu.
^ Po o le “ua ia aumaia le faalumaina.”
^ Po o le “e mafaufau lelei i le auala e tali atu ai; e mafaufau a o leʻi tautala.”
^ Po o le “O foliga fiafia.”
^ Epe., “e lololo ai ponaivi.”
^ Po o “se uunaʻiga lelei.”
