Na ini yanuari 2021, a Tiri Skin taki dati a Yu kan de koloku fu têgo! buku nanga brochure kon na doro. Nanga a buku èn a brochure disi wi kan gi sma leri na wan moi fasi. A e yepi wi fu studeri Bijbel moro bun nanga sma.

Den brada poti wan tu nyun sani na ini a JW Library app fu meki a buku nanga a brochure moro moi èn makelek gi den leriman èn gi den studenti. Teki ten fu kon sabi fa yu kan gebroiki den nyun sani disi.

• Yu wani sori yu studenti wan spesrutu penti na ini a les? Dan naki wán leisi nanga yu finga na tapu a paragraaf fu opo a menu. Druk Share (a peiri) fu seni a link fu a spesrutu paragraaf dati gi a studenti.

• Yu wani arki na audio fu wan paragraaf makandra nanga yu studenti? Dan naki wán leisi nanga yu finga na tapu a paragraaf fu opo a menu. Druk Play (a dri-uku) fu bigin prei na audio fu a paragraaf dati.

• Kande yu studenti e gebroiki wan buku di druk, ma yu e gebroiki a buku na ini a JW Library app. Yu wani luku a buku di druk? Dan go na More (tapusei yu o si dri penti na a reti-anusei), èn druk na tapu Printed Edition. Efu yu wani go baka na yu eigi buku, dan go baka na More èn druk na tapu Digital Edition.

• Yu wani yepi yu studenti fu sabi fa a e go na fesi? Dan gi en deki-ati fu gebroiki den faki pe a kan skrifi a dei di a klari a les. Noso a kan skrifi san a wani go du. Na ini a „Schema fu leisi Bijbel” a kan marki sortu kapitel a leisi kaba.