Loron neʼebé ita sei mate mak tuir ida-idak nia destinu ka lae?
Bíblia nia resposta
Lae, Maromak la deside nanis tempu neʼebé ita sei mate. Tuir loloos, Bíblia la apoia ideia kona-ba destinu, maibé fó sai katak dala barak ema mate tanba “situasaun neʼebé mosu derrepente deʼit”.—Eclesiastes 9:11.
Bíblia dehan katak iha “tempu atu mate”, loos ka lae?
Sin, Eclesiastes 3:2 dehan katak iha “tempu atu moris mai no tempu atu mate; tempu atu kuda no tempu atu fokit sai buat neʼebé kuda tiha ona”. Maibé, kontestu hatudu katak versíkulu sira-neʼe hatete kona-ba buat oioin neʼebé akontese iha ema hotu nia moris. (Eclesiastes 3:1-8) Maromak la planu nanis tempu neʼebé ema ida-idak sei mate, hanesan Nia mós la obriga toʼos-naʼin ida-idak atu kuda fini iha tempu neʼebé deside nanis. Maibé, versíkulu sira-neʼe hanorin katak ita labele sai okupadu demais ho atividade baibain toʼo haluha ita-nia Kriadór.—Eclesiastes 3:11; 12:1, 13.
Ita bele hanaruk ita-nia moris
Maski iha akontesimentu neʼebé mosu derrepente deʼit, ita bele moris naruk se ita halo desizaun ho matenek. Bíblia hatete: “Ema matenek nia hanorin lori ba moris no hasees ema husi lasu mate nian.” (Provérbios 13:14) Moisés mós fó-hatene ema Izraél katak sira bele “moris naruk” se sira halo tuir Maromak nia ukun-fuan. (Deuteronómio 6:2) Maibé, se ita foti desizaun neʼebé beik, neʼe bele habadak ita-nia moris.—Eclesiastes 7:17.
Tuir loloos, maski ita matenek ka kuidadu tebes, ita hotu sei mate. (Roma 5:12) Maibé, situasaun neʼe sei troka, tanba Bíblia promete katak iha futuru “mate sei la iha tan”.—Apokalipse 21:4.
Karik Ita sei gosta
PERGUNTA KONA-BA BÍBLIA
Tanbasá ita moris?
Karik ita hanoin: ‘Tanbasá haʼu moris?’ Buka-hatene Bíblia nia resposta kona-ba pergunta neʼe.
PERGUNTA KONA-BA BÍBLIA
Bíblia hatete saida kona-ba ema nia liberdade atu hili? Maromak mak kontrola Ita-nia destinu ka lae?
Ema barak fiar katak destinu mak kontrola sira-nia moris. Ita-nia desizaun bele fó impaktu ba ita-nia moris atu hetan susesu ka lae?
LIVRU HAKLAKEN
Saida mak determina Ita-nia futuru?
Ema barak neʼebé halo astrolojia, feng shui, ka adora beiʼala no mós sira neʼebé fiar ba reenkarnasaun, fiar katak buat sira-neʼe mak hanesan dalan ida atu bele hetan futuru neʼebé diʼak.
ESPLIKASAUN KONA-BA ESKRITURA
Esplikasaun kona-ba Eclesiastes 3:11—“Buat hotu neʼebé Maromak halo mak furak tebes no tuir tempu”
Maromak nia serbisu furak oioin laʼós deʼit kona-ba buat neʼebé nia kria ona. Oinsá mak neʼe kona Ita?
HANORIN IMPORTANTE SIRA HUSI BÍBLIA
Saida mak akontese kuandu ema mate?
Bíblia promete katak loron ida, ema barak neʼebé mate ona sei moris fila fali, hanesan ho Lázaro.