Provérbios 6:1-35
6 Haʼu-nia oan,* se ó promete ona atu selu fali ó-nia maluk nia debe,+Se ó kaer liman ona ho ema oin-foun hodi halo akordu,+
2 Se ó monu ona ba lasu tanba ó-nia promesa,No tama ona iha lasu tanba liafuan sira husi ó-nia ibun,+
3 Haʼu-nia oan, halo livre ó-nia an bá,Ó monu ona ba ó-nia maluk nia liman, tan neʼe halo ida-neʼe bá:
Bá lalais, haraik an ba ó-nia maluk no kontinua husu ho laran ba nia.+
4 Keta toba,No keta taka ó-nia matan toʼo ó halo tiha ida-neʼe.
5 Halo livre ó-nia an hanesan bibi-rusa gazela sai livre husi kasadór nia liman,No hanesan manu sai livre husi kasadór nia liman.
6 Ema baruk-teen, bá haree toʼok nehek sira;+Haree sira-nia dalan no sai matenek bá.
7 Maski sira la iha komandante, kapitaun, ka ukun-naʼin,
8 Maibé sira prepara sira-nia ai-han iha tempu neʼebé buat hotu sai buras,*+Sira halibur sira-nia ai-han iha tempu koʼa nian.
9 Ema baruk-teen, toʼo bainhira mak ó sei toba deʼit iha neʼebá?
Bainhira mak ó sei hadeer?
10 Toba uitoan tan, dukur uitoan tan,Hikar liman hodi deskansa uitoan,+
11 No kiak sei toʼo ba ó derrepente deʼit hanesan naʼok-teen ida,No kiak sei toʼo ba ó hanesan mane neʼebé kaer kroʼat.+
12 Ema aat neʼebé la iha folin laʼo bá-mai hodi bobar lia;+
13 Nia piska matan,+ halo sinál oioin ho ninia ain no liman-fuan.
14 Ho laran-foʼer,Nia sempre planu buat aat+ no habelar istori malu.+
15 Tan neʼe, susar sei toʼo ba nia derrepente deʼit;Nia sei rahun lalais deʼit no labele hadiʼa fali.+
16 Iha buat neen neʼebé Jeová odi;Sin, buat hitu neʼebé nia* hakribi:
17 Matan neʼebé loko an,+ nanál neʼebé bosok,+ liman neʼebé fakar ema laran-moos nia raan,+
18 Laran neʼebé planu buat aat,+ ain neʼebé halai lalais atu halo hahalok aat,
19 Ema neʼebé fó sasin falsu hodi bosok deʼit kona-ba buat hotu,+No ema neʼebé hamosu istori malu iha maun-alin sira-nia leet.+
20 Haʼu-nia oan, halo tuir ó-nia aman nia mandamentu,No keta fila kotuk ba ó-nia inan nia hanorin.*+
21 Sempre kesi sira-nia liafuan haleʼu iha ó-nia laran;No tara iha ó-nia kakorok.
22 Kuandu ó laʼo bá-mai, sira-nia liafuan sei dirije ó;Kuandu ó toba, sira sei hamriik atu proteje ó;No kuandu ó hadeer, sira sei koʼalia ba ó.*
23 Tanba mandamentu mak ahi-oan,+No lei mak naroman,+No korrije hodi fó dixiplina* mak dalan ba moris.+
24 Sira sei proteje ó husi feto neʼebé aat,+Husi feto neʼebé la iha morál,* neʼebé matenek atu dada mane.+
25 Keta kaan ninia bonita iha ó-nia laran+No keta monu ba nia tanba ninia matan nabilan,
26 Tanba feto-aat* sei halo mane ida sai kiak,*+Maibé mane seluk nia feen sei halo ó lakon ó-nia moris.
27 Se ema ida tau ahi ba ninia hirus-matan, ahi sei han ninia roupa, loos ka lae?+
28 No se ema ida laʼo iha ahi-klaak nia leten, ninia ain sei kanek, loos ka lae?
29 Nuneʼe mós ho ema neʼebé halo relasaun ho ninia maluk nia feen;Ema neʼebé kona feto neʼe sei hetan duni kastigu.+
30 Ema la hakribi naʼok-teenSe nia naʼok atu halo bosu ninia an tanba hamlaha.
31 Maski nuneʼe, kuandu ema kaer toman, nia sei selu dala hitu liu fali buat neʼebé nia naʼok;Nia sei entrega buat folin-boot hotu husi ninia uma.+
32 Mane neʼebé halo sala seksuál ho feto neʼebé laʼós ninia kaben* mak ema beik;*Mane neʼebé halo ida-neʼe sei estraga nia an rasik.+
33 Mane neʼe sei hetan deʼit kanek barak no moe boot,+No ninia moe sei nunka lakon husi nia.+
34 Tanba laran-moras mak sei halo laʼen ida sai hirus loos;Nia sei la hatudu laran-sadiʼa bainhira nia selu fali.+
35 Nia sei la simu maski ó selu osan;Nia lakohi halo dame maski ó fó prezente neʼebé folin-boot.
Nota-rodapé
^ Orj., “oan-mane”.
^ Ka “tempu veraun”.
^ Haree “Nefes” iha Glosáriu.
^ Ka “lei”.
^ Ka “hanorin ó”.
^ Ka “hodi hanorin; treinu”.
^ Ka “prostituta”.
^ Orj., “halo ema neʼe hela deʼit paun fuan ida”.
^ Ka “halo adultériu”. Haree “Adultériu” iha Glosáriu.
^ Orj., “ema neʼebé la iha laran”.