Ita hatán oinsá?

• Sin

• Lae

• Karik

Saida mak Bíblia hatete?

Iha Jesus Kristu nia ukun okos, “dame sei sai barak toʼo fulan la iha tan”, neʼe katak ba nafatin.​—Salmo (Mazmur) 72:7.

Saida tan mak Bíblia hatete?

• Ema aat hotu sei lakon mohu husi mundu, no ema diʼak sei “hetan ksolok boot tanba iha dame barak”.​—Salmo (Mazmur) 37:10, 11.

• Maromak sei halakon funu hotu.​—Salmo (Mazmur) 46:8, 9.

Ema balu hanoin . . .Ita sei nunka sente dame iha laran se mundu neʼe nafatin nakonu ho terus no hahalok la justisa. Oinsá ho Ita?

Saida mak Bíblia hatete?

Tuir loloos, ema neʼebé hakbesik ba Maromak bele hetan “Maromak nia dame neʼebé aas liu ema nia hanoin hotu”.​—Filipe 4:6, 7.

Saida tan mak Bíblia hatete?

• Maromak promete atu halakon terus no hahalok la justisa hotu. Nia sei “halo buat hotu sai foun”.​—Apokalipse 21:4, 5.

• Ita bele hetan dame iha laran hodi buka Maromak nia matadalan.​—Mateus 5:3.