Ba joven sira

Oinsá atu hetan belun neʼebé laran-metin ba ó

Matadalan: Halo estudu neʼe iha fatin neʼebé hakmatek. Nuʼudar ó lee eskritura sira, hanoin toʼok katak ó mós ema ida iha istória neʼebé ó lee. Hanoin toʼok katak ó bele haree buat neʼebé akontese no rona ema koʼalia. Sente buat neʼebé sira sente. Halo istória neʼebé ó lee sai hanesan buat neʼebé moris.

Ema iha istória neʼe: Jónatas, David, no Saul

Istória kona-ba: Depois David oho Golias, Jónatas sai David nia belun neʼebé diʼak liu hotu.

1 HANOIN DIDIʼAK KONA-BA BUAT NEʼEBÉ AKONTESE.—LEE 1 SAMUEL 17:57–18:11; 19:1; 20:1-17, 41, 42.

Tuir ó-nia hanoin, Saul haree oinsá? (Atu ajuda: Haree 1 Samuel 10:20-23.)

․․․․․

Karik David sei joven kuandu nia foin hasoru Jónatas. Tuir ó-nia hanoin, David haree oinsá? (Atu ajuda: Haree 1 Samuel 16:12, 13.)

․․․․․

Iha parte ikus husi 1 Samuel kapítulu 20, kuandu ikusmai David no Jónatas tenke haketak malu, sentimentu saida mak sira hatudu kuandu sira koʼalia ba malu?

․․․․․

2 BUKA-HATENE LIUTÁN.

Iha istória neʼe hatete katak “Jónatas nia laran kesi metin ho David nia laran”, ka tuir tradusaun seluk husi Bíblia: “David no Jónatas sai belun neʼebé diʼak liu hotu.” (1 Samuel 18:1, Contemporary English Version) Hahalok diʼak saida deʼit mak David hatudu neʼebé book Jónatas atu hakarak sai David nia belun? (Atu ajuda: Haree 1 Samuel 17:45, 46.)

․․․․․

Jónatas maizumenus tinan 30 boot liu David. Tuir ó-nia hanoin, saida deʼit mak halo sira sai “belun neʼebé diʼak liu hotu” maski sira-nia tinan la hanesan?

․․․․․

Hanesan istória neʼe hatudu, belun neʼebé loos hatudu hahalok saida deʼit? (Atu ajuda: Haree Provérbios 17:17; 18:24.)

․․․․․

Tansá mak Jónatas laran-metin ba David liu fali ba ninia aman?

․․․․․

3 HAKEREK BUAT NEʼEBÉ Ó APRENDE HODI HALO TUIR.

Saida mak ó aprende kona-ba habelun ho ema?

․․․․․

Tansá mak laran-metin ba belun importante tebes?

․․․․․

Saida mak ó aprende kona-ba habelun ho ema neʼebé tinan boot liu ó?

․․․․․

Saida mak ó bele halo atu ema seluk hakarak habelun ho ó?

․․․․․

4 HUSI ISTÓRIA NEʼE, SAIDA MAK BOOK Ó-NIA LARAN, NO TANBASÁ?

․․․․․

SE Ó LA IHA BÍBLIA, HUSU TESTEMUÑA BA JEOVÁ, KA LEE IHA INTERNÉT IHA LIA-INDONÉZIA KA PORTUGÉS www.watchtower.org