Iha fulan-Janeiru 2021, Grupu Administradór fó sai broxura no livru Moris Haksolok ba Nafatin. Publikasaun neʼe mak uza ba kursu Bíblia interativu. Neʼe ajuda ita atu dirije estuda Bíblia iha dalan neʼebé diʼak liután.

Foin lalais neʼe, ami fó sai buat foun balu iha aplikasaun JW Library hodi nuneʼe mestre no estudante bele uza livru no broxura neʼe iha dalan neʼebé diʼak liu. Ami anima imi atu fahe tempu uitoan hodi bele hatene didiʼak buat foun balu tuirmai neʼe.

• Ita hakarak dada estudante nia atensaun ba pontu espesífiku ida husi lisaun ka lae? Hanehan parágrafu atu loke menu. Hili opsaun Share (Bagikan) atu haruka link ba pontu espesífiku neʼe.

• Ita hakarak rona áudio ba parágrafu ida hamutuk ho estudante ka lae? Hanehan parágrafu atu loke menu. Hili opsaun Play (Putar) atu loke áudio ba parágrafu neʼe.

• Karik Ita-nia estudante uza edisaun print, no Ita rasik uza edisaun dijitál husi Ita-nia tablet ka telefone. Ita hakarak haree livru ho edisaun print nian? Hili sinál pontu tolu husi parte leten liman-loos, tuirmai hili Versi Tercetak. Se Ita hili fali Versi Digital, Ita bele haree publikasaun ho edisaun dijitál.

• Ita hakarak ajuda Ita-nia estudante hakerek ninia progresu iha edisaun dijitál ka lae? Anima sira atu uza kaixa iha lisaun ida-idak hodi prenxe data neʼebé sira halo kompletu lisaun, no sira-nia planu espirituál. Sira mós bele tau marka iha tabela “Marka eskritura neʼebé Ita lee ona”.