Karan-tsifotse agnate rano agne tihoe atala sady somare misy mokomoko’e ty hara’e. Tena hafa ty nife’e satria mafe bey. Talitalin-draha manify maro mifanitse, vita amy ty mineraly mafe bey ty nife’e. Proteina tena malemeleme ty fogno’e.

 Dineho zao: Mitovy amo o lelao ty taova fihinana o atalao. Feno nife madinedineke miolake sady milahatse ty ama’e. Raike milimentatse latsake ty nife’e tsikiraidraike, sady mitovy amy ty asa o rapy karòtio ty asa i nife’e rey. Tsy maintsy mafe bey naho matanjake i nife’ey mba hahavita hanapake o ahe-drano amo o vatò eò naho fa hihinagne reke.

 Mampiasa mikroskopy ambone karazagne o manam-pahaiagneo mba hahatreavagne tie hery manao akore ty hery zaka ty nife o atalao. Nitrea iareo tie io ty fara’e mafe amy ty raha nidinehe iareo, sady mbe mihoatse o tragnom-porarotseo aza ty hamafe’e. Hoe i lahilahy nitarike i fikarohagneỳ: “Toko’e hikezake hangalake tahake ty firafeta ty nife o atalao tikagne naho fa mamorogne raha.”

 Mihevetse o manam-pahaiagneo tie naho mamboatse fitaovagne mangalake tahake ty nife o atalao iareo, le va’e ho azo’e ampiasaegne hamboaragne tobile ndra sambo ndra rapolany ndra solonife ze raha zay.

 Akore ty heve’o? Vokatse ty evolisiona vao ty nife o atalao, sa nisy namorogne?