^{א [Alep]} 119  Maligaya ang mga walang pagkukulang* sa kanilang landasAt lumalakad ayon sa kautusan ni Jehova.+  ²  Maligaya ang mga tumutupad sa kaniyang mga paalaala+At buong pusong humahanap sa kaniya.+  ³  Hindi sila gumagawa ng masama;Lumalakad sila sa kaniyang mga daan.+  ⁴  Iniutos mong sunding mabutiAng mga utos mo.+  ⁵  Makapanatili sana akong matatag*+Para matupad ko ang mga tuntunin mo!  ⁶  Sa gayon, hindi ako mapapahiya+Kapag isinasaalang-alang ko ang lahat ng utos mo.  ⁷  Pupurihin kita nang may matuwid na pusoKapag natutuhan ko ang iyong matuwid na mga hatol.  ⁸  Susundin ko ang mga tuntunin mo. Huwag mo nawa akong lubusang pabayaan. ^{ב [Bet]  9}  Paano mapananatiling malinis ng isang kabataan ang landas niya? Dapat na lagi niyang sundin ang iyong salita.+  ¹⁰  Hinahanap kita nang buong puso. Huwag mong hayaang lumihis ako mula sa mga utos mo.+  ¹¹  Iniingatan ko sa puso ko ang sinasabi mo+Para hindi ako magkasala sa iyo.+  ¹²  Purihin ka nawa, O Jehova;Ituro mo sa akin ang mga tuntunin mo.  ¹³  Ipinahahayag ng mga labi koAng lahat ng batas na sinabi mo.  ¹⁴  Mas nagsasaya ako sa mga paalaala mo+Kaysa sa lahat ng iba pang mahahalagang bagay.+  ¹⁵  Bubulay-bulayin* ko ang mga utos mo+At itutuon ko ang mga mata ko sa iyong mga daan.+  ¹⁶  Kalugod-lugod sa akin ang mga batas mo. Hindi ko lilimutin ang iyong salita.+ ^{ג [Gimel]  17}  Maging mabait ka sa iyong lingkod,Para mabuhay ako at masunod ko ang salita mo.+  ¹⁸  Buksan mo ang mga mata ko para makita ko nang malinawAng kamangha-manghang mga bagay sa kautusan mo.  ¹⁹  Dayuhan lang ako sa lupain.+ Huwag mong itago sa akin ang mga utos mo.  ²⁰  Sabik na sabik akoSa iyong mga hatol sa lahat ng panahon.  ²¹  Sinasaway mo ang mga pangahas,Ang mga isinumpa na lumilihis sa mga utos mo.+  ²²  Patigilin mo* ang panghahamak at pang-aalipusta sa akin,Dahil sinusunod ko ang mga paalaala mo.  ²³  Kahit na umuupong magkakasama ang matataas na opisyal at nagsasalita ng masama tungkol sa akin,Binubulay-bulay* ng iyong lingkod ang mga tuntunin mo.  ²⁴  Kalugod-lugod sa akin ang mga paalaala mo;+Ang mga ito ang tagapayo ko.+ ^{ד [Dalet]  25}  Nakadapa ako sa alabok.+ Iligtas mo ang buhay ko gaya ng pangako* mo.+  ²⁶  Sinabi ko sa iyo ang mga ginagawa ko, at sinagot mo ako;Ituro mo sa akin ang iyong mga tuntunin.+  ²⁷  Ipaunawa mo sa akin ang kahulugan* ng mga utos mo,Para mabulay-bulay* ko ang iyong kamangha-manghang mga gawa.+  ²⁸  Hindi ako* nakakatulog dahil sa pagdadalamhati. Palakasin mo ako gaya ng pangako* mo.  ²⁹  Ilayo mo ako sa landas ng panlilinlang,+At pagpalain mo ako ng kaalaman sa iyong kautusan.  ³⁰  Pinili ko ang daan ng katapatan.+ Alam kong tama ang mga hatol mo.  ³¹  Kumakapit ako sa mga paalaala mo.+ O Jehova, huwag mo akong hayaang mabigo.*+  ³²  Susundin kong mabuti ang* mga utos moDahil binubuksan mo ang puso ko para dito.* ^{ה [He]  33}  Ituro mo sa akin, O Jehova,+ ang daan ng mga tuntunin mo,At susundin ko iyon hanggang sa kahuli-hulihan.+  ³⁴  Bigyan mo ako ng kaunawaan,Para matupad ko ang kautusan moAt masunod ko iyon nang buong puso.  ³⁵  Gabayan* mo ako sa daan ng mga utos mo,+Dahil kinalulugdan ko iyon.  ³⁶  Udyukan mo akong ibigin ang mga paalaala mo,Hindi ang pansariling pakinabang.+  ³⁷  Ilayo mo ang paningin ko sa mga bagay na walang kabuluhan;+Palakarin mo ako sa iyong daan para manatili akong buháy.  ³⁸  Tuparin mo ang pangako* mo sa iyong lingkod,Para matakot sa iyo ang mga tao.*  ³⁹  Alisin mo ang kinatatakutan kong kahihiyan,Dahil ang mga hatol mo ay mabuti.+  ⁴⁰  Nananabik ako sa mga utos mo. Ingatan mo ang buhay ko dahil sa iyong katuwiran.* ^{ו [Waw]  41}  Maranasan ko nawa ang iyong tapat na pag-ibig, O Jehova,+Ang iyong pagliligtas gaya ng pangako* mo;+  ⁴²  At sasagot ako sa humahamak sa akin,Dahil nagtitiwala ako sa salita mo.  ⁴³  Huwag mong lubusang alisin sa bibig ko ang salita ng katotohanan,Dahil umaasa* ako sa iyong hatol.  ⁴⁴  Lagi kong tutuparin ang iyong kautusan,Magpakailanman.+  ⁴⁵  At lalakad ako sa ligtas* na lugar,+Dahil hinahanap ko ang mga utos mo.  ⁴⁶  Magsasalita ako tungkol sa mga paalaala mo sa harap ng mga hari,At hindi ako mahihiya.+  ⁴⁷  Kalugod-lugod sa akin ang mga utos mo,Oo, mahal ko ang mga ito.+  ⁴⁸  Itataas ko ang mga kamay ko dahil sa iyong mga utos, na iniibig ko,+At bubulay-bulayin* ko ang mga tuntunin mo.+ ^{ז [Zayin]  49}  Alalahanin mo ang sinabi* mo sa iyong lingkod,Para bigyan ako ng pag-asa.*  ⁵⁰  Ito ang nagbibigay sa akin ng kaaliwan sa paghihirap ko,+Dahil iningatan ng pananalita mo ang buhay ko.  ⁵¹  Labis akong inaalipusta ng mga pangahas,Pero hindi ako lumilihis sa kautusan mo.+  ⁵²  Naaalaala ko ang mga hatol mo mula noong unang panahon,+ O Jehova,At nagbibigay sa akin ng kaaliwan ang mga iyon.+  ⁵³  Nag-iinit ang galit ko dahil sa masasama,Na bumabale-wala sa kautusan mo.+  ⁵⁴  Ang mga tuntunin mo ang laman ng mga awit koSaanman ako manirahan.*  ⁵⁵  Sa gabi ay inaalaala ko ang pangalan mo, O Jehova,+Para masunod ko ang kautusan mo.  ⁵⁶  Ito ang lagi kong ginagawaDahil sinusunod ko ang mga utos mo. ^{ח [Het]  57}  Si Jehova ang aking mana;+Ipinangako kong susundin ko ang mga salita mo.+  ⁵⁸  Nagsusumamo ako sa iyo* nang buong puso;+Magpakita ka sa akin ng kagandahang-loob+ gaya ng pangako* mo.  ⁵⁹  Sinuri ko ang landas ko,Para muli akong makalakad ayon sa mga paalaala mo.+  ⁶⁰  Nagmadali ako,At tinupad ko agad ang mga utos mo.+  ⁶¹  Nakapulupot sa akin ang mga lubid ng masasama,Pero hindi ko nililimot ang kautusan mo.+  ⁶²  Sa hatinggabi ay bumabangon ako para pasalamatan ka+Sa iyong matuwid na mga hatol.  ⁶³  Kaibigan ako ng lahat ng natatakot sa iyoAt ng mga sumusunod sa mga utos mo.+  ⁶⁴  O Jehova, ang lupa ay punô ng iyong tapat na pag-ibig;+Ituro mo sa akin ang mga tuntunin mo. ^{ט [Tet]  65}  Naging mabuti ka sa lingkod mo,O Jehova, gaya ng pangako* mo.  ⁶⁶  Bigyan mo ako ng unawa at kaalaman,+Dahil nagtitiwala ako sa mga utos mo.  ⁶⁷  Bago ko naranasan ang hirap, naliligaw ako ng landas,*Pero ngayon ay sinusunod ko na ang salita mo.+  ⁶⁸  Ikaw ay mabuti+ at ang mga ginagawa mo ay mabuti. Ituro mo sa akin ang mga tuntunin mo.+  ⁶⁹  Sinisiraang-puri ako ng mga pangahas,Pero sinusunod ko ang mga utos mo nang buong puso.  ⁷⁰  Manhid* ang puso nila,+Pero kalugod-lugod sa akin ang kautusan mo.+  ⁷¹  Nakabuti sa akin ang naranasan kong hirap,+Dahil natutuhan ko ang mga tuntunin mo.  ⁷²  Mas mabuti para sa akin ang kautusang inihayag mo+Kaysa sa libo-libong piraso ng ginto at pilak.+ ^{י [Yod]  73}  Ang mga kamay mo ang gumawa at humubog sa akin. Bigyan mo ako ng kaunawaan,Para matutuhan ko ang mga utos mo.+  ⁷⁴  Nakikita ako ng mga natatakot sa iyo at nagsasaya sila,Dahil ang salita mo ang pag-asa ko.*+  ⁷⁵  O Jehova, alam kong matuwid ang mga hatol mo+At dinisiplina mo ako ayon sa iyong katapatan.+  ⁷⁶  Palakasin nawa ako ng iyong tapat na pag-ibig,+Gaya ng pangako* mo sa iyong lingkod.  ⁷⁷  Kaawaan mo ako, para patuloy akong mabuhay,+Dahil kalugod-lugod sa akin ang kautusan mo.+  ⁷⁸  Mapahiya nawa ang mga pangahas,Dahil ginagawan nila ako ng masama nang walang dahilan.* Pero bubulay-bulayin* ko ang mga utos mo.+  ⁷⁹  Bumalik nawa sa akin ang mga natatakot sa iyo,Ang mga nakaaalam ng iyong mga paalaala.  ⁸⁰  Masunod ko nawa ang mga tuntunin mo nang buong puso,+Para hindi ako mapahiya.+ ^{כ [Kap]  81}  Nananabik ako sa pagliligtas mo,+Dahil ang salita mo ang pag-asa ko.*  ⁸²  Hinihintay ng mga mata ko ang pangako* mo+At sinasabi ko: “Kailan mo ako pagiginhawahin?”+  ⁸³  Dahil para akong sisidlang balat na natuyo sa usok,Pero hindi ko nililimot ang mga tuntunin mo.+  ⁸⁴  Hanggang kailan maghihintay ang iyong lingkod? Kailan ka maglalapat ng hatol sa mga umuusig sa akin?+  ⁸⁵  Ang mga pangahas, ang mga lumalabag sa kautusan mo,Ay gumagawa ng mga hukay para sa akin.  ⁸⁶  Mapagkakatiwalaan ang lahat ng utos mo. Pinag-uusig ako ng mga tao nang walang dahilan; tulungan mo ako!+  ⁸⁷  Muntik na nila akong mapawi sa ibabaw ng lupa,Pero hindi ko iniwan ang mga utos mo.  ⁸⁸  Ingatan mo ang buhay ko dahil sa iyong tapat na pag-ibig,Para masunod ko ang mga paalaalang sinabi mo. ^{ל [Lamed]  89}  Magpakailanman, O Jehova,Ang iyong salita ay mananatili sa langit.+  ⁹⁰  Ang iyong katapatan ay mananatili sa lahat ng henerasyon.+ Ginawa mong matibay ang lupa, kaya mananatili ito.+  ⁹¹  Dahil sa utos mo ay nananatili sila* hanggang ngayon,Dahil lahat sila ay mga lingkod mo.  ⁹²  Kung hindi ko kinalugdan ang kautusan mo,Baka patay na ako dahil sa pagdurusa.+  ⁹³  Hindi ko lilimutin ang mga utos mo,Dahil sa pamamagitan ng mga iyon ay naingatan mo ang buhay ko.+  ⁹⁴  Ako ay sa iyo; iligtas mo ako,+Dahil hinanap ko ang mga utos mo.+  ⁹⁵  Inaabangan ako ng masasama para patayin ako,Pero nagbibigay-pansin akong mabuti sa mga paalaala mo.  ⁹⁶  Nakita kong may limitasyon ang mga bagay na perpekto,Pero ang kautusan mo ay walang limitasyon.* ^{מ [Mem]  97}  Mahal na mahal ko ang kautusan mo!+ Binubulay-bulay* ko ito buong araw.+  ⁹⁸  Dahil sa utos mo ay nagiging mas marunong ako kaysa sa mga kaaway ko,+Dahil nasa akin iyon magpakailanman.  ⁹⁹  Mas may unawa ako kaysa sa lahat ng guro ko,+Dahil binubulay-bulay* ko ang mga paalaala mo. ¹⁰⁰  Mas may kaunawaan ako kaysa sa matatandang lalaki,Dahil sinusunod ko ang mga utos mo. ¹⁰¹  Hindi ako lumalakad sa masamang landas,+Para masunod ko ang salita mo. ¹⁰²  Hindi ako lumilihis sa mga batas mo,Dahil tinuruan mo ako. ¹⁰³  Napakatamis ng pananalita mo sa aking panlasa,Mas matamis pa kaysa sa pulot-pukyutan!+ ¹⁰⁴  May kaunawaan ako dahil sa mga utos mo.+ Kaya napopoot ako sa lahat ng maling landas.+ ^{נ [Nun] 105}  Ang salita mo ay lampara sa aking paa,At liwanag sa aking landas.+ ¹⁰⁶  Sumumpa akong susundin ko ang iyong matuwid na mga batas,At tutuparin ko iyon. ¹⁰⁷  Ako ay lubhang nagdusa.+ O Jehova, ingatan mo ang buhay ko gaya ng pangako* mo.+ ¹⁰⁸  O Jehova, malugod ka nawa sa aking kusang-loob na mga handog ng papuri,*+At ituro mo sa akin ang iyong mga hatol.+ ¹⁰⁹  Laging nanganganib ang buhay ko,Pero hindi ko nililimot ang kautusan mo.+ ¹¹⁰  Ang masasama ay naglagay ng bitag para sa akin,Pero hindi ako lumilihis sa mga utos mo.+ ¹¹¹  Ang mga paalaala mo ay permanente kong pag-aari,*Dahil ang mga iyon ang nagpapasaya sa puso ko.+ ¹¹²  Buo ang pasiya kong sundin ang* mga tuntunin moSa lahat ng panahon, hanggang sa wakas. ^{ס [Samek] 113}  Ang mga may pusong hati ay kinapopootan ko,+Pero ang kautusan mo ay iniibig ko.+ ¹¹⁴  Ikaw ang kanlungan at kalasag ko,+Dahil ang salita mo ang pag-asa ko.*+ ¹¹⁵  Lumayo kayo sa akin, kayong masasama,+Para masunod ko ang mga utos ng aking Diyos. ¹¹⁶  Alalayan mo ako gaya ng ipinangako mo,*+Para patuloy akong mabuhay;Huwag mong hayaang mabigo ang pag-asa ko.+ ¹¹⁷  Alalayan mo ako para maligtas ako;+At lagi kong iisipin ang mga tuntunin mo.+ ¹¹⁸  Itinatakwil mo ang lahat ng lumilihis sa iyong mga tuntunin,+Dahil sinungaling sila at mapandaya. ¹¹⁹  Itinatapon mong parang walang pakinabang na basura* ang masasama sa lupa,+ Kaya mahal ko ang mga paalaala mo. ¹²⁰  Nanginginig ang katawan* ko dahil sa takot sa iyo;Natatakot ako sa mga hatol mo. ^{ע [Ayin] 121}  Ginawa ko ang makatarungan at matuwid. Huwag mo akong iwan sa kamay ng mga umaapi sa akin! ¹²²  Ipangako mong tutulungan mo ang iyong lingkod;Huwag nawa akong pahirapan ng mga pangahas. ¹²³  Napagod ang mga mata ko sa paghihintay sa pagliligtas mo+At sa matuwid mong pangako.*+ ¹²⁴  Ipakita mo sa lingkod mo ang iyong tapat na pag-ibig,+At ituro mo sa akin ang mga tuntunin mo.+ ¹²⁵  Ako ay lingkod mo; bigyan mo ako ng kaunawaan,+Para malaman ko ang mga paalaala mo. ¹²⁶  Panahon na para kumilos si Jehova,+Dahil nilabag nila ang kautusan mo. ¹²⁷  Kaya naman mahal ko ang mga utos moNang higit kaysa sa ginto, maging sa purong* ginto.+ ¹²⁸  Kaya para sa akin ay tama ang lahat ng tagubilin* mo;+Kinapopootan ko ang bawat maling landas.+ ^{פ [Pe] 129}  Ang mga paalaala mo ay kamangha-mangha. Kaya sinusunod ko ang mga iyon. ¹³⁰  Ang pagsisiwalat ng mga salita mo ay nagbibigay ng liwanag+At nagbibigay ng kaunawaan sa mga walang karanasan.+ ¹³¹  Kinakapos ako ng hininga*Dahil sa pananabik sa mga utos mo.+ ¹³²  Bigyang-pansin mo ako at pagpakitaan ng kagandahang-loob,+Gaya ng lagi mong ginagawa* sa mga nagmamahal sa pangalan mo.+ ¹³³  Gabayan* mo ng salita mo ang mga hakbang ko;Huwag nawang mangibabaw sa akin ang kasamaan.+ ¹³⁴  Iligtas* mo ako mula sa mga mapang-api,At susundin ko ang mga utos mo. ¹³⁵  Pasinagin mo ang iyong mukha* sa lingkod mo,+At ituro mo sa akin ang mga tuntunin mo. ¹³⁶  Umaagos ang luha mula sa mga mata koDahil hindi sinusunod ng mga tao ang kautusan mo.+ ^{צ [Tsade] 137}  Matuwid ka, O Jehova,+At makatarungan ang mga hatol mo.+ ¹³⁸  Ang mga paalaalang ibinibigay mo ay matuwidAt talagang maaasahan. ¹³⁹  Nag-aalab ang sigasig ko,+Dahil nilimot ng mga kalaban ko ang mga salita mo. ¹⁴⁰  Napakadalisay ng pananalita mo,+At iniibig ito ng lingkod mo.+ ¹⁴¹  Ako ay hamak at minamaliit;+Pero hindi ko nililimot ang mga utos mo. ¹⁴²  Ang katuwiran* mo ay walang hanggan,+At ang kautusan mo ay katotohanan.+ ¹⁴³  Kahit na nagdurusa ako at naghihirap,Kalugod-lugod pa rin sa akin ang mga utos mo. ¹⁴⁴  Ang mga paalaala mo ay matuwid magpakailanman. Bigyan mo ako ng kaunawaan,+ para patuloy akong mabuhay. ^{ק [Kop] 145}  Tumatawag ako nang buong puso. Sagutin mo ako, O Jehova. Susundin ko ang mga tuntunin mo. ¹⁴⁶  Tumatawag ako sa iyo; iligtas mo ako! Susundin ko ang mga paalaala mo. ¹⁴⁷  Gisíng na ako bago magbukang-liwayway para humingi ng tulong,+Dahil ang mga salita mo ang pag-asa ko.* ¹⁴⁸  Bukás na ang mga mata ko bago pa ang mga yugto ng pagbabantay sa gabi,Para mabulay-bulay* ko ang salita mo.+ ¹⁴⁹  Dinggin mo ang tinig ko dahil sa iyong tapat na pag-ibig.+ O Jehova, ingatan mo ang buhay ko ayon sa iyong katarungan. ¹⁵⁰  Ang mga gumagawa ng kahiya-hiya* ay lumalapit;Napakalayo nila sa kautusan mo. ¹⁵¹  Malapit ka, O Jehova,+At ang lahat ng utos mo ay katotohanan.+ ¹⁵²  Natutuhan ko noon ang tungkol sa mga paalaala mo,Na ipinasiya mong manatili ang mga ito magpakailanman.+ ^{ר [Res] 153}  Tingnan mo ang paghihirap ko, at iligtas mo ako,+Dahil hindi ko nililimot ang kautusan mo. ¹⁵⁴  Ipagtanggol mo ako* at iligtas;+Ingatan mo ang buhay ko gaya ng pangako mo.* ¹⁵⁵  Malayo ang kaligtasan sa masasama,Dahil hindi nila hinahanap ang mga tuntunin mo.+ ¹⁵⁶  Napakamaawain mo, O Jehova.+ Ingatan mo ang buhay ko ayon sa iyong katarungan. ¹⁵⁷  Marami akong mang-uusig at kalaban;+Pero hindi ako lumilihis sa mga paalaala mo. ¹⁵⁸  Tinitingnan ko nang may pagkasuklam ang mga taksil,Dahil hindi nila sinusunod ang salita mo.+ ¹⁵⁹  Tingnan mo kung gaano ko kamahal ang mga utos mo! O Jehova, ingatan mo ang buhay ko dahil sa iyong tapat na pag-ibig.+ ¹⁶⁰  Katotohanan ang diwa ng salita mo,+At walang hanggan ang lahat ng iyong matuwid na hatol. ^{ש [Sin] o [Shin] 161}  Inuusig ako ng matataas na opisyal+ nang walang dahilan,Pero malaki ang paggalang ko sa mga salita mo.+ ¹⁶²  Nagsasaya ako dahil sa iyong pananalita+Gaya ng taong nakakita ng malaking samsam. ¹⁶³  Napopoot ako sa kasinungalingan—nasusuklam ako rito+—Mahal ko ang kautusan mo.+ ¹⁶⁴  Pitong ulit kitang pinupuri sa isang arawDahil sa iyong matuwid na mga hatol. ¹⁶⁵  Ang saganang kapayapaan ay para sa mga umiibig sa kautusan mo;+Walang makakatisod sa kanila. ¹⁶⁶  Umaasa ako sa pagliligtas mo, O Jehova,At sinusunod ko ang mga utos mo. ¹⁶⁷  Tinutupad ko ang mga paalaala mo,At mahal na mahal ko ang mga iyon.+ ¹⁶⁸  Sinusunod ko ang mga utos at paalaala mo,Dahil alam mo ang lahat ng ginagawa ko.+ ^{ת [Taw] 169}  Makarating nawa sa iyo ang paghingi ko ng tulong, O Jehova.+ Sa pamamagitan ng salita mo, bigyan mo ako ng kaunawaan.+ ¹⁷⁰  Makarating nawa sa iyo ang pagsusumamo ko. Iligtas mo ako, gaya ng pangako mo.* ¹⁷¹  Bumukal nawa sa mga labi ko ang papuri,+Dahil itinuturo mo sa akin ang mga tuntunin mo. ¹⁷²  Umawit nawa ang dila ko tungkol sa salita mo,+Dahil ang lahat ng utos mo ay matuwid. ¹⁷³  Maging handa nawang tumulong sa akin ang kamay mo,+Dahil pinili kong sumunod sa mga utos mo.+ ¹⁷⁴  Nananabik ako sa pagliligtas mo, O Jehova,At kalugod-lugod sa akin ang kautusan mo.+ ¹⁷⁵  Hayaan mo akong mabuhay para mapuri kita;+Tulungan nawa ako ng mga hatol mo. ¹⁷⁶  Naligaw akong gaya ng nawawalang tupa.+ Hanapin mo nawa ang lingkod mo,Dahil hindi ko nililimot ang mga utos mo.+