Lolotonga ʻa e ʻi māmani ʻa Sīsuú, naʻá ne fakahaaʻi ʻa e ʻofa lahi ki he kakaí, ʻo aʻu ki he tuʻunga ko ʻene feilaulauʻi ʻene moʻuí maʻa kinautolu. (Mātiu 20:28; Sione 15:13) ʻOku vavé ni, ke ne toe fakamoʻoniʻi ʻene ʻofa ki he kakaí ʻaki ʻene ngāueʻaki hono mafai ko e Tuʻi ʻo e Puleʻanga ʻo e ʻOtuá ke ne “fakangata ʻa e ngaahi taú ʻi he māmaní kotoa.”​—Saame 46:9.

 Fakatokangaʻi ʻa e founga hono fakamatalaʻi ʻe he Tohi Tapú ʻa e meʻa ʻe fai ʻe Sīsū:

•   “Te ne fakahaofi ʻa e masiva ʻoku tangi ki ha tokoní, pehē foki ki he tokotaha māʻulaló mo ha taha pē ʻoku ʻikai hano tokoní. Te ne fakaʻofaʻia ʻi he māʻulaló mo e masivá, pea ko e moʻui ʻa e kau masivá te ne fakahaofi. Te ne fakahaofi kinautolu mei he fakafeʻātungiá pea mei he fakamālohí.”​—Saame 72:12-14.

 ʻE lava fēfē ke tau fakahaaʻi ʻetau houngaʻia ki he meʻa kotoa kuo fai ʻe Sīsuú mo ia kuo vavé ni ke ne fai maʻa kitautolú? ʻI he Luke 22:19, naʻe tala ai ʻe Sīsū ki hono kau muimuí ke nau fakamanatu ʻene pekiá. Ko e ʻuhinga ia ʻoku fakatahataha fakataha ai ʻa e Kau Fakamoʻoni ʻa Sihová ʻo tuʻo taha ʻi he taʻu, ke fakamanatu ʻene pekiá. ʻOku mau fakaafeʻi atu koe ke tau kau fakataha ʻi hono fakamanatu ʻa e Pekia ʻa Sīsuú ʻi he ʻaho Sāpate, Maʻasi 24, 2024.

Kumi ki ha Fakamanatu