NKHANI YA PAPEJI LAKWAMBA Kumbi Pe Chisopa Cho Mungachigomezga?

Nchifukwa Wuli Mukhumbika Kuchiziŵa Umampha Chisopa Chinu?

Tiyeruzgiyi kuti mwe ndi nthenda yakofya ndipu mukhumbika opaleshoni. Mungakhumbika kumugomezga ukongwa yo wakuchiteningi opaleshoni chifukwa umoyu winu we m’manja mwaki. Kumbi chingaŵa chazeru cha kufufuza dankha mo wachitiyapu opaleshoni ŵanthu anyaki?

Mwakuyanana ŵaka, chingaŵa chazeru kuchiziŵa umampha chisopa chinu. Asani mwe mu chisopa, kuti muzilonde umoyu wamuyaya tingakamba kuti, vithemba pa chisopa chinu. Ivi ving’anamuwa kuti chisopa ndichu chingakuwovyani kuti muzipozomoki.

Yesu wakutilongo nthowa yo tingaziŵiya asani vo chisopa chidu chisambiza, vituliya m’Bayibolo pamwenga cha. Iyu wakukamba kuti: “Muti umoza ndi umoza uziŵika ndi chipasi cha weneku.” (Luka 6:44) Mwakuyeruzgiyapu, asani mungafufuza chisopa chinyaki, muwona kuti chibala vipasu wuli? Kumbi alongozgi a chisopa cho, aŵika mtima wawu pa ndalama? Kumbi ŵanthu ŵaki alondo fundu za m’Bayibolo pa nkhani ya nkhondu ndi mijalidu? Fumbu lakumaliya ndakuti, kumbi pe chisopa chechosi cho mungachigomezga? Titikupemphani kuti muŵerengi nkhani zakulondopu.

[Chithuthuzi papeji 3]

[Fundo yo yakonkhoskeka papeji 3]

“Muti umoza ndi umoza uziŵika ndi chipasi cha weneku.”—Luka 6:44