MuJanuary 27, 2023, bantu bayingi bazoyeeya buzuba bwakajayigwa bantu bayingi loko. Nkaambo buzuba oobu mbuzuba bwaInternational Holocaust Remembrance Day. Kujayigwa chalunya kwabantu ooku kwakachitika minyaka yiinda ku 75 yayinda, kulakonzya kukugambya kuti nkamboonzi Leza naakalekela kujayigwa kwabantu ooku kuti kuchitike.

•   Kuti uzibe kuti Bbayibbili lityeni, bala chiiyo chitii, “Nkaambo Nzi Holocaust Ncoyakacitika? Nkaambo Nzi Leza Ncaatakayilesya?”

 Bantu bakajayigwa loko akali maJuda. Kujayigwa kwamamiliyoni aabantu aaba chakali chintu chakabambidwe kale. Bamwi bakajayigwa muchiindi chaHolocaust bakali kuswaanizya abamwi bakali batumwi tubunga. Akati kabantu batumwi tubunga ootu bakali Bakamboni baJehova, bakapenzegwa akaambo kazintu nzibakali kusyoma.

•   Kuti wiiye ziingi, bala chiiyo chitii, “Ncinzi Cakacitika Kuli Bakamboni ba Jehova Ciindi Cabweendelezi bwa Nazi?”

 Bantu bayingi bayoowela kuti chiitiko chili mbuli holocaust chilakonzya kuchitika lubo. Zilabotezya kuziba kuti Bbayibbili lyaambuula atala alyajuunza aawo bubi buli boobu nibutakwe kuzoochitika pe.

•   “‘Nkaambo ndiliizyi kabotu mizeezo njendiyeeya kujatikizya ndinywe,’ mbwaamba Jehova, ‘mizeezo yakumuletela luumuno, kutali mapenzi pe, kumupa buumi bwakumbele bubotu alimwi abulangizi.’”—Jeremiya 29:11. a

 Bulangilizi oobu buzoozuzikizigwa aawo Jehova Leza natazoomanisye bubi boonse akubotya zintu zyakapambanisigwa aaSatani. Lino lino:

•   Uzoogwisya aabo bachisa akunyonyoona bamwi.—Tusimpi 2:22.

•   Uzooponia aabo bali mumapenzi.—Chiyubunuzyo 21:4.

•   Uzooboozya bafwide kuti bapone lubo aano aanyika.—Johane 5:28, 29.

 Ulakonzya kusyoma luumbulizyo ndutujana muBbayibbili. Kuti uzibe kuti nkamboonzi, tulakusungwaazya kuti weezye kuchita chiiyo chaBbayibbili kutabbadali.