NGAZI YAMULINDIZI No. 1 2018 | Sena Bbaibbele Licigwasya Amazuba Aano?
SENA BBAIBBELE LICIGWASYA AMAZUBA AANO?
Twalanga makani manji aaliko kujatikizya kuyaambele kwasayaansi, sena Bbaibbele licigwasya? Bbaibbele lyaamba kuti:
“Magwalo oonse akasololelwa a Leza alimwi alagwasya.”—2 Timoteyo 3:16.
Magazini eeyi ya Ngazi Yamulindizi ilatondezya Bbaibbele mbolikonzya kutusololela mubuumi bwabuzuba abuzuba.
Sena Busolozi Bwamu Bbaibbele Bulagwasya Amazuba Aano?
Ikuti makani aali boobo kaaliko, ino bbuku ndyanzi lyalo ilyakamana kulembwa myaka iitandila ku 2,000 yainda?
Njiisyo Zyamu Bbaibbele—Mbusongo Bugwasya Lyoonse
Kunyina nolikonzya kwaambwa kuti talicibeleki akaambo kaluzyibo lupya luliko mazuba aano, njiisyo zyamu Bbaibbele zilagwasya lyoonse.
Sena Talicigwasyi naa Lyaamba Masimpe Nokuba Kuti Ndyakaindi?
Bbaibbele talili bbuku lyasayaansi, pele lilaamba makani aasayaansi aakonzya kumugambya.
Mbomukonzya Kweeleba Mapenzi
Amulange-lange busongo bwa Leza mbobwabagwasya bantu kweeleba mapenzi amwi aakatazya kapati mubuumi.
Mbomukonzya Kuzunda Mapenzi
Bbaibbele lilapa busongo bugwasya kuzunda naaba mapenzi alo aazumanana alimwi aatyompya, mbuli kuciindizya kulibilika, kusumpya alimwi akulendelelwa.
Mbomukonzya Kuliyumya Mumapenzi
Ino mbuti kujatikizya mapenzi ngotutakonzyi kweeleba naa kuzunda, mbuli bulwazi butasilikiki naa lufwu?
Bbaibbele Abulangizi Bwanu Bwakumbele
Jwi lya Leza lilakonzya kutugwasya kulwana zintu zili ambele lyesu—nkokuti mapenzi aabuzuba abuzuba ngotuswaanganya toonse munyika eeyi iipilingene. Pele Bbaibbele lilatugwasya munzila aimbi. Lilakonzya kutugwasya kuzyiba ziyoocitika kumbele.
Ino Muyeeya Buti?
Amubone nzyobasyoma bantu bamwi alimwi ancoliyiisya Bbaibbele kujatikizya mubuzyo ooyu.
