MAKANI AAYEEME AMUTWE UULI ACIVWUMBYO: SENA KULI CIKOMBELO NCOMUKONZYA KUSYOMA?

Nkaambo Nzi Ncomweelede Kulingaula Bukombi Bwanu?

Amweezeezye kuti muyandika kwaandulwa akaambo kabulwazi bumwi bujaya. Inga mwayanda kumusyoma dokota uumwaandula nkaambo buumi bwanu buyeeme alinguwe. Sena inga tiicaba camaano kubuzya bantu kujatikizya mbwasilika?

Mbubwenya buyo, ncamaano kulingaula bukombi. Ikuti kamuzulilwa kucikombelo cimwi, nkokuti buumi bwanu bwakumuuya buyeeme aacikombelo eeco. Eeci cilabikkilizya abulangizi bwanu bwalufwutuko.

Jesu wakatupa zyeelelo zikonzya kutugwasya kuzyiba naa bukombi bwesu mbwakasimpe naa pe. Wakaamba kuti: “Cisamu cili coonse cilazyibwa kumicelo yancico.” (Luka 6:44) Mucikozyanyo, ciindi nomulanga-langa cikombelo cimwi, ino micelo nzi njocijisi? Sena basololi bacikombelo eeco balaayandisisya mali? Sena bantu bamucikombelo eeco balazitobela njiisyo zyamu Bbaibbele zijatikizya nkondo alimwi akulilemeka? Sena kuli cikombelo ncomukonzya kusyoma? Twamulomba kuti mulange-lange zibalo zitobela.

[Majwi aakwelelezya sikubala aali apeeji 3]

“Cisamu cili coonse cilazyibwa kumicelo yancico.”—Luka 6:44