“Kucinca kwambowuunga muwo kwapa kuti kube mapenzi kuzintu zyoonse zipona. Ntenda zilicitikila, mbuli guwo, zyayungizyika kapati alimwi ziboola anguzu cakuti zyanyonyoona maanda akupa kuti buumi bubayumine kapati bantu. Meenda aajanika mulwaanje ayabukasaala citaambiki, calo cikonzya kupa kuti zintu zikkala mumeenda zitalike kufwa.”​—Ba Inger Andersen, ba under-secretary-general of the United Nations alimwi mbaba executive director of the UN Environment Programme, July 25, 2023.

 Sena mfwulumende zilakonzya kubelekela antoomwe kumana mapenzi aaya aajatikizya nyika yoonse? Sena zilakonzya kwaamana mapenzi aaya cakumaninina?

 Bbaibbele lyaamba mfwulumende yalo iikonzya kumana mapenzi oonse aajatikizya kunyonyooka kwanyika. Lyaamba kuti “Leza wakujulu uyoobikka bwami,” nkokuti mfwulumende iyoocikonzya kumana mapenzi aajatikizya nyika yoonse. (Daniele 2:44) Mubweendelezi bwa mfwulumende eeyo, bantu “tabakaciti cintu cili coonse cibi” kubantunyina alimwi ‘tabakanyonyooni’ nyika.​—Isaya 11:9.