Nkaambo Nzi Ncotweelede Kupaila Kwiinda Muzyina lya Jesu?
Bwiinguzi bwamu Bbaibbele
Tweelede kupaila kuli Leza kwiinda muzyina lya Jesu akaambo kakuti eeyi njenzila ilikke Leza njazumizya kuti katumusikila. Jesu wakaamba kuti: “Ndime nzila, kasimpe alimwi abuumi. Kunyina uuboola kuli Taata ccita kuti wainda mulindime.” (Johane 14:6) Alimwi Jesu wakaambila baapostolo bakwe basyomeka kuti: “Ncobeni ndimwaambila kuti, Ikuti mwamulomba cintu cili coonse Taata, uyoomupa ncico muzyina lyangu.”—Johane 16:23.
Twaambo atumwi ncotweelede kupaila kwiinda muzyina lya Jesu
Tulamulemeka Jesu a Jehova Leza, Bausyi.—Bafilipi 2:9-11.
Tutondezya kuti tulalumba akaambo kalufwu lwa Jesu nkaambo mbubambe bwa Leza bwakutufwutula.—Matayo 20:28; Milimo 4:12.
Tulaulemeka mulimo uulibedelede ngwajisi Jesu wakuba Simwiimaakati wa Leza abantu.—Bahebulayo 7:25.
Tulaulemeka mulimo wa Jesu wakuba Mupaizi Mupati uukonzya kutugwasya kuba acilongwe cibotu a Leza.—Bahebulayo 4:14-16.