Zyintu Nzi Nzyondikonzya Kupailila?
Bwiinguzi bwamu Bbaibbele
Mulakonzya kupailila zyintu zili zyoonse zyeendelana azyeelelo zya Leza zyaambwa mu Bbaibbele. ‘Kufwumbwa cintu ncotulomba ceendelana akuyanda kwa Leza, ulatumvwa.’ (1 Johane 5:14) Sena inga mwaamba zyintu nzyomulibilika? Inzya. Bbaibbele lyaamba kuti: “Amutule myoyo yanu kuli [Leza].”—Intembauzyo 62:8.
Zyintu nzyomukonzya kupailila
Kuba alusyomo muli Leza.—Luka 17:5.
Muuya uusalala naa nguzu nzyabelesya Leza kutegwa zimugwasye kucita ciluzi.—Luka 11:13.
Nguzu zikonzya kumugwasya ciindi camapenzi alimwi akuzunda masunko.—Bafilipi 4:13.
Kuba aluumuno, naa kuliiba mumizeezo.—Bafilipi 4:6, 7.
Busongo bukonzya kumugwasya kusala kabotu zyakucita.—Jakobo 1:5.
Kumugwasya kujana ziyandika buzuba abuzuba.—Matayo 6:11.
Kulekelelwa zibi.—Matayo 6:12.