Miringo yi nga hi heta matimba, ngopfungopfu loko yi teka nkarhi wo leha. Davhida a a swi tiva leswaku ndzingo lowu a a langutane na wona hikwalaho ka Sawulo a wu ta hela ni leswaku a a ta va hosi hilaha Yehovha a a tshembise hakona. (1Sa 16:13) Ripfumelo ri pfune Davhida leswaku a lehisa mbilu kutani a rindzela Yehovha.

Loko hi ringiwa, hi nga ha tirhisa vutlharhi, vutivi kumbe vuswikoti byo ehleketa leswaku hi cinca xiyimo xa hina. (1Sa 21:12-14; Swiv 1:4) Hambiswiritano, swiphiqo swin’wana swi nga ha ya emahlweni hambiloko hi endle hinkwaswo leswi misinya ya milawu ya Bibele yi swi vulaka. Eka swiyimo swo tano hi fanele hi lehisa mbilu, hi rindzela Yehovha. Ku nga ri khale u “ta sula mihloti hinkwayo” ematihlweni ya hina. (Nhl 21:4) Ku nga khatariseki leswaku Yehovha u ta nghenelela a hi pfuna kumbe hi kuma mpfuno hi tindlela tin’wana, leswi hi tiyisekaka hi swona hi leswaku: Miringo hinkwayo yi ta hela. Ku tiva leswi, swi ta endla leswaku hi chaveleleka.

HLALELANI VHIDIYO LEYI NGE, VANHU LAVA NGA NI RIRHANDZU EMISAVENI LEYI NGA NI XIHLAWUHLAWU KUTANI MI HLAMULA SWIVUTISO LESWI LANDZELAKA:

• Hi swihi swiphiqo leswi Vakretse va le dzongeni wa United States va langutaneke na swona?

• Va swi kombise njhani leswaku va lehisa mbilu naswona va ni rirhandzu?

• Va dzikise mianakanyo ya vona eka “swilo leswi nga swa nkoka swinene” hi ndlela yihi?—Flp 1:10