Зәбур 46:1—11
Дирижер өчен. Кора́х улларының+ мәдхиясе. Аламу́т* стилендә. Җыр.
46 Аллаһы — безнең сыенычыбыз һәм көч-куәтебез,+Кайгы-хәсрәтләр вакытында безгә һәрвакыт ярдәм итәргә әзер.+
2 Шуңа күрә, җир тетрәп үзгәрсә дә,Таулар селкенеп, диңгез төбенә китсә дә, без курыкмабыз.+
3 Диңгез сулары шаулап, күбекләнеп ярларыннан ташып чыкса да,+Таулар аның ярсуыннан селкенсә дә, без курыкмабыз. (Села)
4 Елга агымнары Аллаһы шәһәрен,+Ходай Тәгаләнең изге һәм бөек чатырын сөендерә.
5 Аллаһы — үз шәһәрендә,+ шунлыктан ул җимерелмәс шәһәр.
Таң атканда Аллаһы аңа ярдәмгә киләчәк.+
6 Халыклар шау-шу килделәр, патшалыклар җимерелде.
Ул тавышын күтәрде, һәм җир тетрәде.+
7 Гаскәрләр Иясе Йәһвә безнең белән.+
Ягъкуб Аллаһысы — безнең ныклы сыенычыбыз.* (Села)
8 Килегез һәм Йәһвәнең эшләренә,Аның җирдә кылган гаҗәеп эшләренә шаһит булыгыз.
9 Ул бөтен җирдә сугышларны туктата,+Җәяне сындыра, сөңгене чәрдәкли,Хәрби арбаларны* утта яндыра.
10 Ул: «Тез чүгегез, минем Аллаһы икәнемне белегез.
Халыклар мине мактаячак,+Бөтен җир мине мактаячак»+,— диде.
11 Гаскәрләр Иясе Йәһвә безнең белән.+
Ягъкуб Аллаһысы безгә ныклы сыеныч ул.+