Obukama bwa Ruhanga Buli omu Mutima Gwawe?
Eky’okugarukamu kuruga omu Baibuli
Nangwa, Obukama bwa Ruhanga teri nyehurra ey’omu mutima gw’Abakristaayo. * Baibuli etwoleka nambere buli obu n’ebweta “obukama obwomu iguru.” (Matayo 4:17) Wetegereze omulingo Baibuli erukwoleka ngu Obukama bunu eri gavumenti yonyini erukulema omu iguru.
Obukama bwa Ruhanga bwine abalemi, abantu burukulema, ebiragiro, n’ekigendererwa eky’okuletera Ruhanga eby’agonza kukorwa omu iguru n’omu nsi.—Matayo 6:10; Okusuku’rwa 5:10.
Gavumenti ya Ruhanga rundi Obukama bwe, bulirema “abantu bona namahanga gona, nendimi” omu nsi. (Danieri 7:13, 14) Ruhanga nuwe akoma abalemi baabwo hatali abantu.—Zabuli 2:4-6; Isaya 9:7.
Yesu akagambira abakwenda be abesigwa ngu baakumweteranizeeho omu Bukama bw’omu iguru ‘baikarre ha ntebe’ ez’Obukama.—Luka 22:28, 30.
Obukama bwine abanyanzigwa abalihwerekerezebwa.—Zabuli 2:1, 2, 8, 9; 110:1, 2; 1 Abakolinso 15:25, 26.
Baibuli teyegesa ngu Obukama bw’omu iguru buli omu mutima gwawe, ekirukumanyisa ngu nibulema kurabira omu mutima gw’omuntu. Baitu eyoleka ngu “ekigambo ekyobukama” rundi ‘enjiri ey’Obukama’ n’esobora kuhika ha mitima yaitu.—Matayo 13:19; 24:14.
Ebigambo “obukama bwa Ruhanga buli omuliinywe” nibimanyisa ki?
Omulingo empindura ezimu eza Baibuli zihindura ebigambo ebiri omu Luka 17:21 guletera abantu abamu kubuzabuzibwa obukirukuhika ha kiikaro nambere Obukama buli. Ekyokurorraho, empindura eya King James egamba ngu “obukama bwa Ruhanga buli omuliinywe.” Kusobora kwetegereza kurungi orukarra runu, leka turole ebigambo ebirwetoroire.
Obukama bwa Ruhanga bukaba butali omu mitima y’abantu abaisire Yesu
Yesu akaba n’abaza n’Abafalisayo, abebembezi b’ediini abaamuhakanizaaga kandi abayejumbiire omu kutekaniza okwitwa kwe. (Matayo 12:14; Luka 17:20) Mali ky’amagezi kutekereza ngu Obukama ekaba eri nyikara omu mitima yabo emibi? Yesu akabagambira ati: “Omunda muijwire obugobya nobwemi.”—Matayo 23:27, 28.
Empindura ezindi zihindura ebigambo bya Yesu eby’omu Luka 17:21 omu mulingo ogurukwetegerezebwa kurungi ziti: “Obukama bwa Ruhanga buli hanu nainywe.” (Contemporary English Version) “Obukama bwa Ruhanga buli hagati omuliinywe.” (New World Translation, footnote) Obukama bw’omu iguru bukaba buli nabo rundi buli hagati y’Abafalisayo omu mulingo ngu Yesu, Ruhanga ow’akaba akomere kulema nk’Omukama w’Obukama bunu akaba ali omu maiso gaabo.—Luka 1:32, 33.
^ kac. 1 Amadiini maingi ag’Ekikristaayo geegesa ngu Obukama bwa Ruhanga buli omunda y’omuntu rundi omu mutima gwe. Ekyokurorraho, omu United States, ediini erukwetwa Southern Baptist Convention ekagamba ngu ekicweka ekimu eky’Obukama bwa Ruhanga, nikitwarramu “Ruhanga kulema omu mitima n’omu bwomeezi bw’abantu.” Ekindi, omu kitabu Jesus of Nazareth ekyahandiikirwe Paapa Benedict XVI, akagamba ngu, “Obukama bwa Ruhanga bwija omuliitwe obutuba n’omutima ogurukuhuliiriza.”
Nosobora Kugonza na Binu;
ENYEGESA ZA BAIBULI ENKURU
Obukama bwa Ruhanga Nikyo Kiki?
Yesu obwakaba natebeza omu nsi, ekintu eki yakizireyo kubazaaho nubwo Obukama bwa Ruhanga. Ebyasa ebirabireho byona, abegeswa be baikaire nibasaba Obukama obu kwija.
OMUNAARA GW'OMULINZI
Nooha Omukama w’Obukama bwa Ruhanga?
Abahandiiki ba Baibuli abarukwahukana bakahandiika ebintu ebyakutukonyiire kumanya Ogu ow’akaba naija kufooka Omukama w’Obukama bwa Ruhanga. Omubyafaayo by’abantu, omuntu omu wenka nuwe yahikiriize ebintu binu.
ENYEGESA ZA BAIBULI
Saba Kwegesebwa Baibuli
Tandika kwega Baibuli n’omwegesa owaawe ha bwawe otarukusasura sente.