Chifukwa Wuli Nkhwenera Kulomba mu Zina la Yesu?
Ivyo Baibolo likuyowoya
Tikwenera kulomba kwa Chiuta kwizira mu zina la Yesu chifukwa ndiyo nthowa yekha iyo Chiuta wakuzomerezga. Yesu wakati: “Ine ndine nthowa, unenesko, na umoyo. Palije uyo wakwiza kwa Adada kwambura kwizira mwa ine.” (Yohane 14:6) Yesu wakaphaliraso ŵapositole ŵake kuti: “Nadi nkhumuphalirani kuti, usange mulombenge kanthu kwa Adada ŵamupaninge mu zina lane.”—Yohane 16:23.
Vifukwa vinyake ivyo tikwenera kulombera mu zina la Yesu
Tikuchindika Yesu na Adada ŵake, Yehova Chiuta.—Ŵafilipi 2:9-11.
Tikulongora kuti tikuwonga ivyo Chiuta wakatichitira pakupeleka Yesu kuti watiwombore.—Mateyu 20:28; Milimo 4:12.
Tikulongora kuti tikumanya udindo wa Yesu wakuŵeyelera kwa Chiuta m’malo mwa ise.—Ŵahebere 7:25.
Tikulongora kuti tikuchindika Yesu pakuŵa Wasembe Mukuru uyo wakutovwira kuŵa paubwezi uwemi na Chiuta.—Ŵahebere 4:14-16.