MUŴENGE MASO!
Ŵandyali Ŵakuti Aramagedoni Yingamba—Kasi Baibolo Likutipo Wuli?
Mulenji wa pa Monday, October 10, 2022, boma la Russia likaphuliska mabomba mu misumba ya Ukraine kuwezgera ivyo vikachitika mazuŵa ghaŵiri agho ghakajumphapo, apo buliji la pakati pa Crimea na Russia likaphuliskika. Vyakuchitika vyose ivi vyapangiska kuti ŵandyali ŵachenjezge vyakuti Aramagedoni yakhala pachoko chomene kuchitika.
“Vindachitikepo kumasinda kose uku kuti Aramagedoni yiŵe pafupi nthena kufuma waka mu nyengo ya [Pulezidenti wa America, John F.] Kennedy pa nkhani iyo charu cha America chikadumbiskana na muwuso wa Soviet vya mabomba ghakofya agho ghakaŵa ku Cuba. . . . Nkhuwona kuti vyanthena ivyo vikuchitika kuti munthu wagwiliskire ntchito dala mabomba gha nyukiliya kwambura kughanaghanirapo, vingambiska nadi Aramagedoni.”—Pulezidenti wa U.S., Joe Biden, October 6, 2022.
“Nane nkhukolerana navyo kuti iyi ni Aramagedoni, nakuti charu chose chili pangozi.”—Pulezidenti wa Ukraine, Volodymyr Zelensky, apo wakafumbika vya kofya kwa kugwiliskira ntchito mabomba gha nyukiliya, BBC News, October 8, 2022.
Kasi kugwiliskira ntchito mabomba gha nyukiliya kungambiska Aramagedoni? Kasi Baibolo likutipo wuli?
Kasi mabomba gha nyukiliya ghangambiska nkhondo ya Aramagedoni?
Yayi. Lizgu lakuti “Aramagedoni” likusangika malo ghamoza pera mu Baibolo, pa Chivumbuzi 16:16. Likuyowoya vya nkhondo ya pakati pa mitundu ya ŵanthu yayi kweni vya nkhondo ya pakati pa Chiuta na “mathemba gha charu chose.” (Chivumbuzi 16:14) Chiuta wazamugwiliskira ntchito nkhondo ya Aramagedoni kuti wamazge ufumu wa ŵanthu.—Daniyeli 2:44.
Kuti mumanye vinandi vyakukhwaskana na nkhondo ya Aramagedoni, ŵazgani nkhani yakuti, Kasi Nkhondo ya Aramagedoni Ni Vichi?
Kasi charu chapasi na vyose ivyo vilimo vizamuparanyika na nkhondo ya nyukiliya?
Yayi. Nanga vingazakachitika kuti ŵawusi ŵa ŵanthu ŵazakagwiliskire ntchito mabomba gha nyukiliya kunthazi uku, kweni Chiuta wazamuzomerezga yayi kuti charu chiparanyike. Baibolo likuti:
“Charu chapasi chikukhalilira muyirayira.”—Mupharazgi 1:4.
“Ŵarunji ŵazamuhara charu chapasi, ndipo ŵazamukhala mwenemumo muyirayira.”—Salimo 37:29.
Ndipouli, uchimi wa mu Baibolo na vyakuchitika vya mu charu ichi vikulongora kuti sonosono apa vinthu visinthirengethu. (Mateyu 24:3-7; 2 Timote 3:1-5) Kosi yithu ya kusambira Baibolo kwaulere yingamovwirani kuti mumanye vinandi pa nkhani ya ivyo Baibolo likulayizga munthazi.
Panji Mungatemwa Kuŵerengaso Nkhani Izi
MAFUMBO AGHO BAIBOLO LIKUZGORA
Kasi Charu Chapasi Ndicho Chizamuparanyika?
Baibolo likutiphalira ivyo Chiuta wakukhumba kulazga ku charu chapasi.
VISAMBIZGO VYAKUZIRWA VYA MU BAIBOLO
Chifukwa Wuli Chiuta Wakalenga Charu?
Charu chapasi chili na vinthu vinandi ivyo Chiuta wali kulenga. Charu chili pa mtunda wakwenelera kufuma apo pali zuŵa. Chikuzingilira pa sipidi yakwenelera. Chifukwa wuli Chiuta wakaŵikapo mtima kuti walenge charu chakutowa nthena?
MAFUMBO AGHO BAIBOLO LIKUZGORA
Kasi Chimanyikwiro cha “Mazuŵa Ghaumaliro” Panji Kuti “Nyengo Zaumaliro” Ntchivichi?
Baibolo likayowoyerathu vinthu vinandi ivyo vizamulongora kuti tili mu mazuŵa ghaumaliro.
Boma la Russia Lawukira Charu cha Ukraine—Kasi Uchimi wa mu Baibolo Ukufiskika?
Para ni nthena, kasi Baibolo likulongosora umo vyose ivi vizamumalira?
GONGWE LA MULINDA
Kasi Vingachitika Kuzakapona pa Nkhondo ya Aramagedoni?
Ŵanthu ŵanandi pa charu chose ŵakuchita wofi na Aramagedoni, kasi Aramagedoni ni vichi?
MANYANI VYA ISE
Pemphani Kuti Musambirenge Baibolo
Dumbiskanani fumbo la mu Baibolo, panji manyani vinandi vyakukhwaskana na Ŵakaboni ŵa Yehova.
