Fakatasiga i Fakapotopotoga a Molimau a Ieova
Tauloto ki mea e uiga ki motou fakatasiga. ‵Sala ki se koga fai fakatasiga e pili ki a koe.
Ne a Mea e Fai i ‵Tou Fakatasiga?
E fai fakalua i te vaiaso ne Molimau a Ieova olotou fakatasiga mō tapuakiga. (Epelu 10:24, 25) I fakatasiga konei, kolā e ‵tala atu ki so se tino, e iloilo aka ei ne tatou a muna i te Tusi Tapu mo te auala ke fakagalue aka a akoakoga i ei i ‵tou olaga.
A te ukega o mea e fai i ei e aofia i ei a tino katoa i te sau‵talaga, e pelā mo sau‵talaga i faleakoga. E kamata kae fakaoti a fakatasiga ki te pese mo te ‵talo.
E se ‵tau o fai koe mo fai se Molimau a Ieova ke kau mai ki motou fakatasiga. E ‵kami ne matou so se tino ke kau mai. E se ‵togi a nofoga. E seai foki ne tupe e ‵tae i ei.
