Warwick: Haaputuraa hohoˈa 4 (Mai Me tae atu i Atete 2015)
Na roto i teie mau hohoˈa, a hiˈo i te haereraa i mua o te ohipa paturaa i te pu rahi apî a te mau Ite no Iehova e te tururaa a te mau rima tauturu mai Me e tae atu i te Atete 2015.
6 no Me 2015: Vahi paturaa i Warwick
Te haamata nei te hoê taata rave ohipa i te tuu i te tahi matini i roto i te roto Sterling Forest (parauhia roto Ninamu). Maoti ïa teie matini, eita te mau ofai rarahi e haafifi i te taheraa o te pape.
6 no Me 2015: Fare tahua rau i te pae o te atuaturaa/Vairaa pereoo no te feia e noho ra i ǒ
Te pipi nei te mau rave ohipa i te tima i nia i te patu o te niaraa o te fare tahua rau i te pae o te atuaturaa. Mea vitiviti aˈe teie huru raveraa ia faaauhia i tei matauhia.
15 no Me 2015: Vahi paturaa i Warwick
Te pata ra te hoê tuahine o te Tuhaa papai i te hohoˈa o te paturaa. E mataitai te Tino aratai a te mau Ite no Iehova i teie mau hohoˈa i te hebedoma taitahi no te ite i te haereraa i mua o te paturaa.
30 no Me 2015: Paturaa i Tuxedo
Ua tae mai e piti rima tauturu no Kalifonia i te pae apatoa no te ohipa i te Tuhaa faataheraa pape. E hanere atoa taata tei tae mai i tera mahana i Tuxedo, i reira te feia rave ohipa e faaea ˈi. I te 1 no Atete, ua tae mai 707 atu â taata rave ohipa no tera paturaa. E numera faahiahia mau.
9 no Tiunu 2015: Fare nohoraa B
Maoti te tahi hivi e nehenehe ai te mau ona ohipa e tuu i te mau patu i te vahi tano. O te Fare B ïa te fare hopea i tuuhia ˈi te mau patu e te mau haamaramarama.
16 no Tiunu 2015: Fare nohoraa C e D
Te tuu nei te mau ona ohipa i te eˈaturu no te haere mai te Fare D i te Fare C.
25 no Tiunu 2015: Fare nohoraa C
Te tuu nei te feia faanehenehe aua i te matie i te pae tooa o te râ o te vahi paturaa.
2 no Tiurai 2015: Vahi paturaa i Warwick
Te faaapî nei te feia rave ohipa i te apoo no te faahaere i te pape ua. Te vai atoa ra te hoê patu haapahuraa pape. I te mau matahiti 1950 teie mau ravea i patuhia ˈi. E titauhia ïa ia faaapî i te reira inaha mea puai aˈe te mau vero e te ua i teie nei i tera vahi. Aita ïa te pape pue e haafifi i te vahi paturaa i Warwick e i te mau tuhaa fenua i pihai iho.
15 no Tiurai 2015: Fare nohoraa A
Ia ore e rahi roa te taata i te vahi paturaa, e ravehia te tahi mau ohipa i te po, mai te ohipa peniraa e te parururaa i te mau auri. Ia rave te piti o te pǔpǔ i te ohipa, e faaotihia e ohipa e hanere taata mai te hora 3 i te avatea e tae atu i te hora 2 i te poipoi.
20 no Tiurai 2015: Fare nohoraa D
Te haapii atu nei te hoê rave ohipa i te tuhaa haamahanahanaraa, haapuvaivairaa e faatoetoeraa i te tahi atu e nafea ia paruru i te mau auri.
21 no Tiurai 2015: Fare nohoraa B
Te penihia ra te eˈaturu e faaohie nei i te haereraa mai te Fare nohoraa B i te Fare tahua rau i te pae o te atuaturaa.
27 no Tiurai 2015: Paturaa i Tuxedo
I te vahi vairaa pereoo, te tiai nei tau ahuru feia rave ohipa i te pereoo utaraa no te haere i Warwick. E rave rahi pereoo mataeinaa te faaohipahia ra no te faahoro i te feia rave ohipa i te vahi paturaa e no te faahoˈi mai ia ratou.
27 no Tiurai 2015: Paturaa i Tuxedo
Te tâpûhia ra te rouru o e toru rave ohipa no Warwick. I Tuxedo, i Warwick e i te fare vairaa tauihaa i Montgomery, te tâpûhia ra te rouru o hau atu 400 taata i te hebedoma taitahi.
3 no Atete 2015: Vahi paturaa i Warwick
Te tuuhia ra te tima i roto i te tahi mau farii. Maoti 120 apoo e 150 metera i te hohonu, e nehenehe e haaveavea aore ra faatoetoe atu â i te mau piha i te tau au mau. E iti atoa mai te aufauraa i te ito e te faahopearaa ino i nia i te natura.
7 no Atete 2015: Montgomery, i New York
Te haaputuputuhia ra te tahi mau taoˈa e te haponohia ra te reira i te mau tuhaa ohipa e rave rahi i te vahi paturaa i Warwick.
14 no Atete 2015: Tuxedo Park, i New York
Ua titau manihini te hoê utuafare o tera oire i e piti taata rave ohipa i Warwick (te piti e te toru mai te pae atau). E rave rahi utuafare Ite no Iehova mai teie o tei farii i te mau rima tauturu i ǒ ratou.
17 no Atete 2015: Fare tahua rau i te pae o te atuaturaa/Vairaa pereoo no te feia e noho ra i ǒ
Te hiˈo ra te hoê rave ohipa i te mau faito taa ê o te fenua maoti te tahi matini.
20 no Atete 2015: Piha ohipa
Ua oti te mau haamaramarama i te tuuraahia i te piha tomoraa, i reira te feia mataitai e fariihia ˈi.
26 no Atete 2015: Vahi paturaa i Warwick
Mai Me e tae atu i Atete, ua oti te tuuraa i te mau patu e i te niaraa o te Fare nohoraa B, te fare hopea. Ua oti atoa te mau eˈaturu e ua haamata te ohipa faaneheneheraa i te aua.