Ийе. Иегова бараалгакчылары аарый бээрге, олар дээш сагыш човап турар. Бурганга шынчы бараалгап турар кижи бүрүзүнүң дугайында Библияда мынча дээн: «Дээрги-Чаяакчы ол кижини, аарып чыдырда, быжыктырар» (Ырлар 40:4). Силер хоочураан аарыглыг болзуңарза, дараазында сүмелер дузалап болур:

1.   Күштү дилеп, мөргүңер. «Улустуң угаап-билиптер шаандан ажа бээр Бурганның амыр-тайбыңы» силерниң дүвүрелдериңерни оожургадып, силерни деткиир» (Филипчилерге 4:6, 7).

2.   Эки хөөннүг болуңар. «Өөрүп чоруур чүрек — эки дээн эм, а ундаргай сеткил мага-ботту харыксырадыр» (Чугаалар 17:22). Оюн-баштак чоруңар. Ол хөөн караңгы хүннерни чырыдыптарындан аңгыда, кадыыңарга база эки салдар чедирип болур.

3.   Келир үеже идегелиңер быжыктырыңар. Күштүг идегел хоочураан аарыглыг-даа болзуңарза, өөрүшкүңерни чидирбезинге дузалаар (Римчилерге 12:12). «Черивистиң чурттакчыларындан кым-даа: „Мен аарып тур мен“ — дивес» дээр үе кээрин Библияда баш удур медеглеп каан (Исайя 33:24). Бурган ынчан амгы үениң эмнеттинмес хоочураан аарыгларын экиртиптер. Кырган улус катап аныяк апаарын Библияда бижээн: «Ынчан ооң мага-боду аныяанда турганы дег апаар, ооң чалыы үези эглип кээр» (Иов 33:25).

 Тайылбыр: Иегованың Херечилери долузу-биле Бурганга идегеп турар-даа болза, олар хоочураан аарыгны эмнелге черинге эмнээри чугула деп билип турар (Марк 2:17). Ынчангаш олар эмчилерден дузаны дилеп турар. Кандыг-ла бир тускай чаңгыс эмнээшкинни деткивейн турар бис. Канчаар эмненири — кижи бүрүзүнүң хууда шиитпирлээр херээ-дир деп санап турар бис.