ЫРЫ 4
Иегова — мээң Кадарчым
(Ырлар 22)
-
1. Иегова — мээң Кадарчым-дыр,
Мени эдертип чоруур.
Чүрээмниң күзелдерин көрүп,
Мөргүлдеримни дыңнаар.
Мени ногаан шынааларже,
Суглуг черже эдертир.
Бурганның бердинген ынакшылы
Сеткилимге күштү бээр.
Меңээ бердинген ынакшылы
Сеткилимге күштү бээр.
-
2. Иегова, Сээң оруктарың
Меңээ сергедиишкин бээр.
Бодуңнуң ыдыктыг адың дээш,
Бүзүрелим быжыгла.
Дүмбей караңгы таварты
Эртип бар чытсымза-даа,
Мен айыыл-халаптардан кортпас мен,
Сен мээң-биле болгай Сен.
Айыыл-халаптардан кортпас мен,
Сен мээң-биле болгай Сен.
-
3. Иегова — мээң Кадарчым Сен,
Сени эдерер-дир мен.
Меңээ йөрээлдериңни бердиң,
Чүрээм амыр-дыштыг-дыр.
Дириг алыс шын Бурганым,
Быжыг идегелим Сен!
Ол меңээ бердинген ынакшылың
Мөңгеде мени деткиир.
Меңээ бердинген ынакшылың
Мөңгеде мени деткиир!
(Көрүңер: Ыд. ыр. 27:9; 79:2.)