JW LIBRARY
Oku Talavaya Loku Sokiya Avala—iOS
Ocimalẽho condimbukiso yavala vo JW Library ci ku kuatisa oku ivaluka apa wa sulila, ndeci nda wa kapa ondimbukiso yimue velivulu lia pangiwa. Alivulu osi vo JW Library a kuete 10 kolondimbukiso viavala.
Kuama olonumbi evi poku talavaya londimbukiso yavala:
Kapa Ondimbukiso Yikuavo
Kuende Pondimbukiso Yikuavo
Sokiya Avala
Kapa ondimbukiso yikuavo
O pondola oku kapa ondimbukiso pocipama, kocinimbu cimue ale kocinimbu Cembimbiliya.
Oco o kape ondimbukiso vocipama cimue, tioka pondimbukiso Marcador. Ku yikuka ulala, u lekisa avala ondimbukiso oku kapa velivulu o tanga. Tioka kevala limue oco o li kape kocipama.
Oco o kape ondimbukiso pocinimbu cimue Cembimbiliya, tete tioka pocipama caco, noke tioka pondimbukiso yo Marcador kilu.
Kuende Pondimbukiso yikuavo
Oco ende pondimbukiso yimue, yulula elivulu li kuete ondimbukiso, noke tioka pondimbukiso yo Marcador. Tioka pondimbukiso o yongola.
Sokiya Avala
Nda wa kapa ondimbukiso yevala, citava oku yi nyõla ale oku yi piñanya.
Oco o nyõle evala limue, tioka pondimbukiso yo Marcador, noke seya ondimbukiso yevala o yongola oku nyõla, kuenje, tioka oku Nyõla.
Oco o piñanye evala limue, tioka pondimbukiso yo Marcador, noke tioka oku Piñanya. Ondimbukiso yavala yi pongoluiwa ponepa yikuavo. Oyo yi ku kuatisa oku ivaluka ponepa yelivulu o tanga. Citava okuti, o ci lingavo poku tanga Embimbiliya oloneke viosi.
Ovimalẽho evi via sandekiwa kosãi ya Kupemba, yunyamo wo 2014 lo JW Library 1.2, okuti, vi likuata lo iOS 6.0 ale vikuavo. Nda kua muile ovimalẽho viaco, kuama olonumbi vocipama losapi hati: “Fetika Oku Talavaya lo JW Library—iOS,” pokasapi, Obter os Recursos Mais Recentes.
