Ewula ocendelalamuenyo cimue ci kasi vo kalunga kuenda ci kuete ociwala cimue. Ocinyama caco ci kuete ovayo amue akõla okuti a kasi vono yimue yeteku. Ovayo ewula a sokokiyiwa lolosinga vitito calua kuenda a tokekiwa lutale umue u tukuiwa hati goethita.

 Kũlĩhĩsa ndoco: Ewula li kuete ocimatamata cimue ci kasi ndelimi, ca sitikiwa lulala wovayo a li peteka. Eyo leyo li kuete o milimetru yimosi koku lepa. Ovayo ayo a sukila oku pama loku kõla oco a tẽle oku pasa ovikũla via kakatela kovawe, kuna ewula lilitekula.

 Ekonomuiso limue lia lingiwa, olonoño via talavaya lomakina yimue ya velapo yoku vanja ovina vitito, oco va kũlĩhĩse ongusu ovayo aco a ponduile oku kuata okuti ka hateka. Ovo va limbuka okuti ovayo ewula, ocimalẽho cimue cakõla calua, okuti utele wekovi u sule. Onoño ya linga ekomuiso liaco wa popia hati: “Etu tu pondola oku sokolola ndomo tu linga ovitungilo vietu muẽle poku kuama ovina vimuamue via lulikiwa.”

 Vakuakukonomueisa va tava okuti, ovimãleho via lisoka lovayo ewula vi pondola oku talavayiwa lavio koku panga akãlu, olowato, olombalãu kuenda ovayo oku luvikiya.

 Nye osima? Ekalo likomohĩsa Liovayo Ewula lia tukuluka ño? Ale kuli u wa vi lulika.