Apulilo Embimbiliya a Tambuluiwa
Suku o yevelela hẽ olohutililo viosi?
Suku o yevelela omanu vo kolofeka viosi. (Osamo 145:18, 19) Ondaka yaye yi tu vetiya oku sapela laye ca tiamẽla kovitangi vietu. (Va Filipoi 4:6, 7) Pole, olohutililo vimue ka vi sanjuisa Suku, ndeci olohutililo viokupitulula.—Tanga Mateo 6:7.
Yehova ka yevelelavo olohutililo via vana ka va kapeleko ovihandeleko viaye. (Olosapo 28:9) Kosimbu Suku ka yevele olohutililo via va Isareli va kala olomondi. Oco Suku a yeve olohutililo vietu tu sukila oku kapako olonumbi vimue.—Tanga Isaya 1:15.
Nye tu sukila oku linga oco Suku a tu yeve?
Ka tu pondola oku amẽla ku Suku vohutililo nda ka tuo kolelele. (Tiago 1:5, 6) Tu sukila oku kolela okuti kuli Suku kuenda wa tu kapako. Tu pondola oku pamisa ekolelo lietu poku li longisa Embimbiliya, momo ekolelo liocili lia kunamẽla Kondaka ya Suku.—Tanga Va Heveru 11:1, 6.
Tu sukila oku li kutilila lutima wosi kuenda lumbombe. Ndaño muẽle Yesu, omõla a Suku wa lekisavo umbombe poku likutilila. (Luka 22:41, 42) Oco tu kũlĩhe eci Suku a yongola, tu sukila oku kuata elomboloko liolonumbi viaye poku tanga Embimbiliya. Nda tua cilinga, tu likutilila lonjila yimue yi likuata locipango ca Suku.—Tanga 1 Yoano 5:14.
Ove o ka ci Sola
UTALA WONDAVULULI
Ohutililo—Ndomo yi Pondola Oku ku Kuatisa
Onima yipi o pondola oku kuata nda wa likutilila olonjanja viosi?
APULILO ATAMBULUIWA LEMBIMBILIYA
Olonepa Vipi Vivali vi Lekisa Esunga Lieci Suku ka Tambuluila Olohutililo Vimue?
Kũlĩhĩsa olohutililo vimue okuti Suku ka vi yevi kuenda omanu vana okuti poku likutilila ka va yeviwa la Suku.
