Naa ni a vhuya na humbula nga ha tshifhinga tshavhuḓi tshe na vha natsho na vhathu vha Yehova—muṱangano wa tshivhidzo u ṱuṱuwedzaho, buthano ḽi nyanyulaho, tshenzhelo i takadzaho vhuḓinḓani kana khaseledzo zwayo i takadzaho na mutendi nga inwi? A no ngo hangwa Yehova; nae ho ngo ni hangwa. Ha hangwi u fulufhedzea haṋu tshumeloni yawe. O ḓiimisela u ni thusa uri ni vhuyelele khae.

Yehova u ri: “Nṋe muṋe nngu dzanga ndi ḓo dzi ṱoḓa nda dzi londota. Ndi ḓo nga mulisa a tshi londota sambi ḽawe, ḓuvha ḽoṱhe é vhukati ha sambi ḽawe ḽe ḽa vha ḽo fhaḓiwa; ndi ḓo ralo ndi tshi londota nngu dzanga, nda dzi lamulela thungo dzoṱhe he dza balanganela hone.”—Hesekiele 34:11, 12.