Iṅwe nḓila yavhuḓi ine vhabebi vha nga thusa ngayo vhana vhavho uri vha wane vhuṱali vhu bvaho ha Mudzimu, ndi nga u vha thusa uri vha vhuyelwe nga miṱangano ya Vhukriste. Zwine vhana vha zwi vhona na zwine vha zwi pfa, u katela na u fhindula miṱanganoni, zwi nga vha thusa uri vha gude nga ha Yehova nahone vha vhe khonani yawe ya tsini. (Dot 31:12, 13) Arali ni mubebi, ni nga thusa hani ṅwana waṋu uri a vhuyelwe nga miṱangano ya tshivhidzo?

• Itani zwoṱhe zwine na nga kona uri ni vhe hone miṱanganoni ya tshivhidzo.—Ps 22:22

• Itani vhungoho ha uri ni fhedza tshifhinga na vhahaṋu Holoni, musi miṱangano i sa athu thoma kana musi yo no fhela.—Hev 10:25

• Itani vhungoho ha uri muraḓo muṅwe na muṅwe wa muṱa waṋu u na khandiso ine ya khou gudiwa hu sa londwi uri ndi ine ya wanala kha tshishumiswa tsha elekitroniki kana ndi yo gandiswaho

• Thusani ṅwana waṋu uri a lugiselele phindulo nga maipfi awe.—Mat 21:15, 16

• Ambani zwithu zwavhuḓi nga ha miṱangano na zwine ra zwi guda miṱanganoni

• Thusani ṅwana waṋu uri a shele mulenzhe kha zwithu zwi ngaho u kunakisa Holo na u ambedzana na vhaaluwa tshivhidzoni

U thusa vhana uri vha sendele tsini na Yehova zwi ṱoḓa vhuḓidini nahone zwi nga netisa nga tshiṅwe tshifhinga. Naho zwo ralo, ni nga vha na vhungoho ha uri Yehova u ḓo ni thusa.—Yes 40:29.

ṰALELANI VIDIO INE YA RI: ḒITIKENI NGA YEHOVA NA NUNGO DZAWE SA VHABEBI, NGA MURAHU NI FHINDULE MBUDZISO DZI TEVHELAHO:

• U neta zwo kwama hani Zack na Leah?

  Phindulo yaṋu

• Ndi ngani vhabebi vha tshi tea u ṱoḓa thuso kha Yehova?

  Phindulo yaṋu

• Zack na Leah vho ḓitika hani nga Yehova uri a vha thuse?

  Your answer