MWAHA WOOPACERYA: NIIREKE MUHAANA OROROMELA ETIINI?

Xeeni Vanitthuneya Aya Otokosa Etiini?

Mulikanyihe wira muniphavela opakiwa operasau mwaha wa oretta wowoopiha. Moohaaniherya, nyuwo mwaarowa omuroromela meediku onisuwela wooperari saana, maana okumi anyu waarowa okhala mmatatani mwawe. Nto khivaarowa okhala vamiruku osuwela miteko sitonko awe ovara sa waaloola aretta?

Moolikanasa, ti va miruku otokosa saana etiini. Akhala wira muneettela etiini ya nikhuuru nowiiraana, moohaaniherya, nyuwo moopweha okumi anyu womunepani mmatatani mwa etiini eyo. Ela enihela muhina yoolipelela anyu wira moopowe.

Yesu oovaha malakiheryo annikhaliherya osuwela etiini yekeekhai. Owo aahimyale so: “Khula mwiri onsuwanyeya ni mihokorokho saya”. (Luka 6:44) Mwa ntakiheryo, vaavo vaniweha anyu etiini emosa, mihokorokho xeeni etiini eyo eniimiha aya? Niireke ahooleli a etiini eyo anittittimiherya musurukhu mootepana? Niireke atthu a etiini eyo annitthara malamulo a Biibiliya voohimya sa ekhotto ni mweettelo? Nto, ehaavo etiini enireerela ororomela? Xontte, nnoovekelani wira mutokose myaha sinittharelana.

[Elatarato epaaxina 3]

[Eponto yuulupale ya epaaxina 3]

“Khula mwiri onsuwanyeya ni mihokorokho saya”.—Luka 6:44