“Carkkuwa hanotay laamettiyogee asaa, katamaanne deˈon deˈiyaba ubbaa bolli daro metuwa gattiiddi deˈees. Carkkoy laamettiyogaa gaasuwan denddiya wolqqaama gotee, daro biittan keettaanne asawu deˈiyabaa xayssiiddi deˈees. Abbaa carkkoy keehi hombbiyogaappe denddidaagan, deˈon deˈiyabatuppe daro qommoti xayana danddayoosona.”—Iner Anderseno, Kawotettatu Issippetettaa sima xaafiyonne Kawotettatu Issippetettaa Heeraa Prograamiya Gadaayiyo, Isiine 25, 2023.

 Ubbasan deˈiya ha metuwa qaaranawu kawotettati hashetidi oottanee? Eti tumuppe ha metuwa muleera qaarana danddayiyonaa?

 Carkkoy laamettiyogaa gaasuwan gakkiya meto ubbaa xayssana danddayiya issi kawotettay deˈiyogaa Geeshsha Maxaafay yootees. Saˈaa haarananne saˈan deˈiya meto ubbaa xayssana kawotettaa ‘saluwa Xoossay essanaagee’ an odettiis. (Daaneela 2:44) He kawotettay haariyo wode, asay issoy issuwa qohenna woy ha saˈaa bashshenna. (Isiyaasa 11:9)