MAZAMURE 152
Ne Sunttaa Bonchchissiya Sohuwa
(1 Kawotu Maxaafaa 8:27; 1 Hanidabaa Odiya 29:14)
Saluwa Medhdhidaagoo Yihoowawu,
Saloy gidenna ne daanawu,
Ubba ayba guuxxanddee saˈay!
Shin awunkka dees ne ayyaanay.
Loˈˈiis, puulattiis ha goynniyosay
Issippe oottiis ne asay.
Galatay sabay neeyyo gido;
Nu goynoy nena ufaysso.
(PINUWA)
Neeppe gidenneeyye,
Ubbabaa nu demmidoy
Ne immidobatennee,
Nu zaaretti immoy!
(AZMAACHCHIYA)
Nu Xoossawu nena bonchchoos, sabboos
Ne ootto ubbawu galatoos.
Nu amoy polettiis, ufayssees
Hagan ne sunttay sabettees.
Neeni ha keettan bonchchettana
Ne deree hagan goynnana
Daroti erana ne ogiya
Yihoowa nu koshshay hegaa.
Hagan polettana ne halchchoy
Biron attees daro oosoy.
Gixxida nu hegaa oottana,
Ne Naˈaa kiitaa polana.
(PINUWA)
Nuuyyo diya alˈˈobay
Murutabay imetto;
Loˈˈo imotaa pulttoy
Ne xallay bonchchetto.
(AZMAACHCHIYA)
Nu Xoossawu nena bonchchoos, sabboos
Ne ootto ubbawu galatoos.
Nu amoy polettiis, ufayssees
Hagan ne sunttay sabettees.