PAKIANA 7
Ano an Igintagna han Biblia Mahitungod han Aton Panahon?
“An usa nga nasud makikig-away ha lain nga nasud ngan an usa nga ginhadian makikig-away ha lain nga ginhadian . . . Ini ngatanan nga butang an tinikangan han mga kasakitan.”
“Damu nga buwa nga propeta an maabot ngan damu an ira isisimang; ngan tungod han pag-uswag han pagkamatinalapason, magtutugnaw an gugma han kadam-an.”
“Kon makabati kamo hin mga girra ngan hin mga sumat mahitungod han mga girra, ayaw kamo kalisang; kinahanglan mahitabo ini nga mga butang, kondi diri pa ito an kataposan.”
“Magkakaada magkusog nga mga linog, ngan ha iba-iba nga mga lugar magkakaada kakulang hin mga pagkaon ngan mga epidemya; ngan magkakaada makaharadlok nga mga kiritaon ngan tikang ha langit makikita an dagku nga mga tigaman.”
“Ha kataposan nga mga adlaw maabot an peligroso nga mga panahon nga makuri pakiangayan. Kay an mga tawo magigin mahigugmaon ha ira kalugaringon, mahigugmaon ha kwarta, hambog, mapahitas-on, mapasiparahon, diri masinugtanon ha mga kag-anak, diri mapasalamaton, diri maunungon, waray kinaiya nga gugma, diri naruruyag ha bisan ano nga pakigsabot, mga parapakaraot, waray pagpugong ha kalugaringon, mapintas, waray gugma ha kaopayan, mga traydor, matig-a an ulo, mahilig magrakudaku, mahigugmaon ha kalipayan imbes nga mahigugmaon ha Dios, diosnon pagkit-on pero diri nagkikinabuhi uyon ha gahum hito.”
