Nahinunumdoman mo pa ba an makalilipay nga mga panahon nga kaupod mo an katawohan ni Jehova​—makaparig-on nga katirok ha kongregasyon, makalilipay nga kombensyon, makapadasig nga eksperyensya ha ministeryo, o bisan an simple la nga pakig-uroistorya ha mga igkasi-tumuroo? Waray mo hingalimti hi Jehova; waray ka liwat niya hingalimti. Nalilipay hiya ha paghinumdom han imo matinumanon nga pag-alagad ha iya. Ngan karuyag gud niya nga buligan ka nga bumalik ha iya.

“Ako ngahaw, bisan ako, mangingita han akon kakarnerohan ngan mamimiling ha ira,” siring ni Jehova. “Sugad han pamiling han usa nga magbarantay han kakarnerohan han iya kapangon ha adlaw nga hiya aada ha iya kakarnerohan nga nagsasarang ha gawas, amo man ako mamimiling han akon kakarnerohan; ngan akon hira luluwason tikang ha ngatanan nga lugar ngain hira pag-ataga [o, pagpatlaag].”​—Esekiel 34:11, 12.