AN BUYOG talwas nga nakakalanding ha bisan ano nga anggulo. Paonan-o nira ginhihimo ito?

Tagda ini: An talwas nga paglanding han buyog nagkikinahanglan nga ibanan han buyog ha haros sero an kalaksihon hito antes ito humapon. An usa nga lohikal nga paagi basi mabuhat ini amo an pagsukol han kalaksihon han paglupad ngan han distansya ha lalandingan han buyog, ngan katapos, iibanan han buyog an iya kalaksihon depende han distansya han iya hahaponan. Kondi ito nga paagi makuri para ha kadam-an nga insekto tungod kay an ira mga mata magkaduok ngan diri nakaka-adjust hin pokus, salit diri nira nasusukol an distansya.

An pagkita han buyog naiiba gud ha tawo nga nagamit hin duha nga mata. Baga hin tinuod ha buyog an simple nga kamatuoran nga an usa ka butang nagtitikadaku samtang nagtitikahirani ito. Kon nagtitikahirani hira ha usa nga butang, baga hin nagtitikadagmit an pagdaku hito ha ira pagkita. Iginpapakita han mga eksperimento ha Australian National University nga gin-iibanan han buyog an kalaksihon han iya paglupad basi diri magbag-o an kadaku han usa nga butang ha iya pagkita. Kon malanding na an buyog, haros sero na an kalaksihon hito salit talwas ito nga nakakalanding.

An magasin nga Proceedings of the National Academy of Sciences nagsiring: “An simple nga proseso hini nga teknik ha paglanding . . . nakabulig ha paghimo hin mga sistema nga naggigiya ha nalupad nga mga robot.”

Ano ha imo panhunahuna? An teknik ba han buyog ha paglanding produkto han ebolusyon, o may nagdisenyo hito?