1. Maloloy-on hi Jehova,

Malipayon gihap hiya.

Naghahatag ha buotan

Han ira panginahanglan.

Ha mga mabinasulon,

Sala pagpapasayloon.

Diri nalilimtan niya

Nga mga tawo la kita.

2. Kon magsayop ngan mahulop,

Pasaylo han Dios an hangyo.

Sugad han tutdo han Kristo,

Ini an aton pag-ampo:

‘O Dios, kami pasayloa.’

Magpasaylo man ha iba.

Malilimtan an pagdumot

Ngan kalinaw makakab-ot.

3. Kon kita malolooyon,

Magigin mahinatagon.

Diri hingyap nga dayawon

Kay kontento, malipayon.

Dayag gud an tanan ha Dios,

Ngan andam hiya bumalos.

Oo, an mahinatagon—

Ha Dios mag-opay pagkit-on.