Tour ha Bethel

Malipayon nga gin-iimbitar ka namon nga mag-tour ha amon sanga nga opisina, nga gintatawag nga Bethel. An pipira han amon mga opisina may-ada liwat self-guided nga mga eksibit.

Iginbalik Na an mga Pag-tour: Ha damu nga nasud, iginbalik na an mga pag-tour ha aton mga branch office han Hunyo 1, 2023. Para ha mga detalye, kontaka an branch diin karuyag mo mag-tour. Alayon ayaw pagbisita kon positibo ka ha COVID-19, may sip-on o mga sintomas nga pariho han kanan trangkaso, o may nakaupod ka hinin bag-o la nga nagpositibo ha COVID-19.

Pagpili hin Lokasyon

Italy

Mga Impormasyon ha Pag-tour

Kinahanglan mo ba magpaeskedyol antes mag-tour? Oo. Basi malikyan an paghuruot ngan masiguro nga an ngatanan mag-enjoy han ira tour, ginhahangyo namon an ngatanan nga bisita nga magpaeskedyol hin tour antes han ira pagbisita, anoman kadaku an ira grupo. Alayon abanse nga ipaeskedyol an imo tour hin diri maminos usa ka semana. Kon mabisita ha panahon han holiday o waray klase, gin-aaghat ka namon nga magpaeskedyol hin mas abanse pa.

Kon waray ka makapaeskedyol, puydi ka la ba gihapon maka-tour? Kon waray ka makapaeskedyol, bangin diri ka makag-tour. Tungod kay limitado la an lugar, limitado la liwat an makakag-tour kada adlaw.

Ano nga oras ka dapat umabot para ha imo tour? Basi malikyan an paghuruot, alayon ayaw pag-abot hin sobra usa ka oras antes han imo nakaeskedyol nga tour.

Paonan-o ka magpapaeskedyol hin tour? Kon an imo grupo diri maabot hin 20 ka tawo, i-click an “Pagpaeskedyol—Waray Umabot hin 20 ka Tawo.” Ha pagpaeskedyol hin tour para ha 20 ka tawo o sobra pa, alayon kontaka kami pinaagi han mga impormasyon ha ubos.

Puydi mo ba mabag-o o ma-cancel an imo ginpaeskedyol? Oo. I-click an “Kitaa o Bag-oha an Eskedyol.”

Ano man kon waray bakante nga tour ha imo karuyag nga petsa? Kitaa pirme an website. Nagkakaada bakante nga tour tungod han pagbag-o o pag-cancel han mga nakaeskedyol nga tour.

Pagpaeskedyol—Waray Umabot hin 20 ka Tawo

Kitaa o Bag-oha an Eskedyol

Pag-download hin Tour Brochure