„უდუნდებელ მეგობარ“

წერმიდგინით თეცალ სიტუაცია: რჸუნა ბაღანობაშ „მეგობარ“. თიწკუმა დუდის ჯგირო გინაფლენთ დო გოხვარნა, თქვან მახანეფწკუმა ურთიერთობას. მუჟამსით ოწუხებელ გიღნა, შეილებნა თიშე მიღათ „გურიშექექაფა“. ბრელ სიტუაციას გიღნა თიშ იმენდ.

მარა დროშ მიკულაწკუმა ართო თიშ გლახა მხარეეფს ხოლო ორწყეთ. თინა განძალენა, ირიათო თიწკუმა რდათ, თი დროს ხოლო, მუჟამსით შილებე თქვა ვა გოკოდან თენა. მუჭოთ მიფშინეთ, თიწკუმა დუდის ჯგირო გინაფლენთ, მარა თენა თქვან ჯამრთელობაშა გლახათ მოქმედენს. თეს გეძინელ, ხელფასიშ გვერდის ხოლო გოხარჯებაფუანა.

ბოლო დროს თიწკუმა ურთიერთობაშ მეტებას ეცადით, მარა თინა ვა გარზენა თეშ უფლებას. თეს გეძინელ, გოუნჩაშნა. მანგარო ნარღენთ, ნამდა დემეგობრით თის.

ზუსტასთეშ რაგად შილებე სიგარეტშა დამოკიდებულებაშე ხოლო. ართ ოსურკოჩ სახელო ერლინ, ნამუთ 50 წანას შუნდჷ სიგარეტის, თეცალ მუდგარენს იჩიებ: „ჩქიმდა თეშ მითინს ვა მუხვარებ, მუჭოთ სიგარეტის. თინა ბრელ ჩქიმ მეგობარშა მისხუნუდ, მინშა ხვალე თინა რდჷ ჩქიმ მეგობარ“. ერლინქ ქიმეხვად, ნამდა სიგარეტ თიშო „უდუნდებელ მეგობარ“ რდჷ. შილებე ფთქუათ, ნამდა ერლინიშ „მეგობრობას“ ეჭარუნს სტატიაშ დაჭყაფ. მარა რე ართ განსხვავება. მუჟამსით ერლინქ ქიგეგ, ნამდა ღორონთ ვეწონუანს სიგარეტიშ შუმას, მუშენდა თინა ჩქინ ორგანიზმის წამალანს, ხეთეშე გეგნაჸათ სიგარეტ (2 კორინთელები 7:1).

ართ ქომოლკოჩიქ ხოლო, სახელო ფრენკიქ, გინოჭყვიდ, დუდ დანებკო სიგარეტიშ შუმას, ნამდა ქასიამოვნუკო ღორონთის. მარა ართ დღას, მუჟამსით ბოლო ღერ სიგარეტ გეშვჷ, დუდიქ ვეშეაკავებუ დო ფიცარეფ შქას თუდო დოჸოთამილ ნაშუმა სიგარეტეფიშ გორუა ქიდიჭყჷ. თინა იჩიებ: „ზუსტას თე მომენტის მიბღჷ გადაწყვეტილება. ნაშუმა სიგარეტეფს თიცალ გამწარებულო ბგორუნდჷ, ნამდა ხელეფ დო ბირგულეფ ართო ტვერამ მაფუდ. თეშ ძირაფაქ ჩქიმ დუდ გომჯოგუ. თეშ უკულ დღას ვამშუმ სიგარეტ“.

მუშენ რე თეცალ ძნელ სიგარეტიშ მეტება? მკვლევარეფქ თეშ მუსხირენ მიზეზ დადგინეს: 1) სიგარეტის თიცალ მერჩქვანა უჩქჷ, მუნერით ნარკოტიკეფს. 2) მეღებულ ნიკოტინქ ტვინშახ ქიმერთასინ, გვალო შქვით წამ რე საჭირო. 3) სიგარეტის თიცალ ხშირას შუნა, მუჭოთ ჭკუმნა, შუნა, რაგადანა, ისვანჯუნა დო შხვა.

ერლინიშ დო ფრენკიშ შემთხვევაშე ქიძირ, ნამდა სიგარეტშა დუდიშ დანებება შეიოლებერ რე. სიგარეტის თქვა ხოლო ქოშუნთ დო თე ჩვევაშ მეტება ქუგოკონან-და, წეკითხით უკულიან სტატიეფ. შილებე ართ დღას თქვა ხოლო შეგალებუან ჯანსაღ ცხოვრებაშ მეჸუნაქ.