ბიბლია ვა რე მეცნიერულ წიგნ, მარა, მუთ თექ ინოჭარ, გიწმულუანს დროს. მორთ გუვარჩუათ თეშ მუსხირენ მაგალით.

ქუღუდუო სამყაროს დაჭყაფ?

ართ დროს ხალხშო ჩინებულ მეცნიერეფ დარწმუნებულეფ რდეს, ნამდა სამყაროს ვა უღუდ დაჭყაფ. მარა ასე თინეფ საპირისპირო აზრის ამტკიცენა. ბიბლიას თე აზრ საუკუნეეფიშ ადრე ინოჭარუდ (დაბადება 1:1).

მუნერ ფორმა უღჷ დედამიწას?

ჯვეშ დროს, ხალხიშ უმენტაშის ჯერდჷ, ნამდა დედამიწას სწორ პიჯ უღუდ. ჯვ. წ. მა-5 საუკუნეს ბერძენ მეცნიერეფქ თქუეს, ნამდა საეგებიოთ, თინა კვარკვალია რდუ. მარა უმოს ადრე ჯვ. წ. მა-8 საუკუნეს, ბიბლიაშ მაჭარალ ესაიაქ მიშინუ „დედამიწაშ წრე“, მუდგაქ შილებე ითარგმნას, მუჭოთ „სფერო“ (ესაია 40:22).

ფორმას ითირანსო ციურ სხეულეფ?

ჯვ. წ. მა-4 საუკუნეს მახორუ ბერძენ მეცნიერ არისტოტელე იჩიებუდ, ნამდა ციურ სხეულეფ დღას ვეთირანა ფორმას დო თექ ხვალე დედამიწას შილებე აღოლკო. თენა საუკუნეეფიშ დინახალე თაშ მიორჩქუდეს. მარა მა-19 საუკუნეს მეცნიერეფქ ჩამოაყალიბეს „ენტროპიაშ ცნება“, მუთ ამტკიცენდჷ, ნამდა არძა სხეულ, ნამუთ ზეცას ვარდა დედამიწას რე, ითირუ. ართ მეცნიერქ, ლორდ კელვინქ, მით თე თეორიას შექმნას უკინენდჷ ხუჯის, ქოძირ, ნამდა ბიბლიას ცა დო დედამიწაშ გურშენ თეცალ მუდგარენ ჭარუდ: „ბარგცალო დიშირუნა თინეფ“ (ფსალმუნი 102:25, 26). კელვინს ჯერდჷ, ნამდა ღორონთის შეულებუდ, ვა დუშუვკო თენა, მუშენდა შეულებუდ განადგურებაშე ირსხუკო მუშ გუნაჭყეფუეფ, მუჭოთ თენა ბიბლიას რე მოჩამილ (ეკლესიასტე 1:4).

მუს უმარგ პლანეტეფ, თინეფ შქას დედამიწა?

არსიტოტელე ოგურუანდჷ, ნამდა ციურ სხეულეფ ართიანს მოთავსებულ გამჭირვალე სფეროეფს ართიანიშ მეჸუნელო ინოძუდ; შქა დიხას, არძოშ უმოს დიდ სფეროს, დედამიწა რდუ. ახ. წ. მა-18 საუკუნეს მეცნიერეფქ ჭიე-ჭიეთ თი დასკვნაშა ქიმერთეს, ნამდა მურიცხეფ დო პლანეტეფ მუთუნ ვა უმარგუდ. მარა ჯვ. წ. მა-15 საუკუნეს ჭარილ ბიბლიაშ ართ-ართ წიგნ „იობის“ უკვე ინოჭარილ რდუ, ნამდა გუმაჭყაფალქ „მუთუნს ვემკაბუნუ დედამიწა“ (იობი 26:7).

ბიბლია ვა რე სამედიცინო წიგნ, მარა თის ინოჭარილ რე თიცალ პრინციპეფ, მუნერით მედიცინაშ რჩქინაშა მეუთითენს.

კარანტინი

მოსეშ კანონიშ თანახმათ, კეთრ ოჭირდესინ თინეფ შხვეფშე ცალკე ოკო ჸოფედესკო. ექიმეფქ თე მეთოდიშ გიმორნაფა ხვალე თიშ უკულ დიჭყეს, მუთ შქა საუკუნეეფს ბრელ ეპიდემიაქ ართო გევრცელ. თე მეთოდ ამდღა ხოლო ეფექტურ რე (ლევიანები 13, 14 დუდეფ).

ღურელშა ხეშ მოთხუმაშ უკულ მთელ სხეულიშ ბონუა

მა-19 საუკუნეშ ბოლოშახ ექიმეფ ხშირას ღურელშა ხეშ მოთხუმაშ უკულ შხვა პაციენტეფშა ხეს ვებონუნდესინ თეშ მიშეს. შედეგო, თინეფიშ უმენტაშ ღურუდ. მარა მოსეშ კანონს რაგადებულ რდუ, ნამდა ნებისმიერ, მით ღურელს ხეს მოთხუნდჷ, უწმინდურ იჸუაფუდ. კანონს თინა ხოლო ჭარუდ, ნამდა თეცალ შემთხვევეფს წყარით ოკო გენიწმინდესკო. მუშო ოკო რაგად, არგამა რე, ნამდა თე რელიგიურ რიტუალიშ ჩატარება ჯამრთელობას ხოლო უნწყუნდჷ ხეს (რიცხვები 19:11, 19).

ფეკალიეფიშ ჩათხინაფა

ირ წანას გვერდ მილიონშე უმოს ბაღანა დიარეათ ღურუ. თეშ მიზეზ თინა რე, ნამდა ფეკალიეფიშ ჩათხინაფალო საჭირო ზომეფქ ვეჸუ მეღებულქ. მოსეშ კანონიშ თანახმათ, ექსკრემენტეფ ჸუდეშე შორს დიხას ოკო დონთხორესკო (კანონი 23:13).

წინადაცვეთაშ დრო

ღორონთიშ კანონიშ თანახმათ, ახალდაბადებულ ბოშის მაბრუო დღას წინადაცვეთა ოკო უკეთესკო (ლევიანები 12:3). ახალდაბადებულეფიშ ზისხირიშ სიფსქა დაბადებაშე ართ მარაშა ნორმალურ დონეშა მეურს. ბიბლიურ დროს, ბრელით უმოს ადრე, ონდო მკურნალობაშ მეთოდეფს მიგონენდესკო, თე მითითებაშ მეჸუნა ახალდაბადებულიშ ჯამრთელობას იცვენდჷ.

ემოციურ დო ფიზიკურ ჯამრთელობაშ ართიანწკუმა კავშირ

მეცნიერეფ იჩიებნა, ნამდა ხიოლ, იმენდ, მარდულობა, პატიებაშ სურვილ დო შხვა ემოცია ადამიანიშ ჯამრთელობაშა ჯგირო მოქმედენს. ბიბლიას ჭარჷ: „ხიოლით ეფშა გურ მკურნალცალო რე, დამწუხრებულ გურ ძვალეფს ქერქუნს“ (იგავები 17:22).