2022 წანაშ 10 ოქტომბერს, თუთაშხას, რუსეთიქ უკრაინაშ მუსხირენ ქალაქ რაკეტეფით დობომბ, მუშენდა უკრაინაქ 2 დღათ ადრე ყირიმ დო რუსეთიშ ართიანწკუმა დუმაკავშირებელ ხიდეს ქიგიანთხჷ. თე ირფელქ ჭიჭე ხანშა მოხვად თიშ უკულ, მუთ პოლიტიკოსეფქ ბირთვულ არმაგედონიშ გურშენ ქიდიჭყეს რაგად.

•    „ბირთვულ არმაგედონიშ საფრთხეშ წოხოლე ასე ვორეთინ თეშ დღას ვა პჸოფეთ კუბაშ კრიზისიშ უკულ, ნამდგაქ ჯონ კენედიშ პრეზიდენტობაშ დროს დიჭყჷ. ტაქტიკურ ატომურ იარაღიქ გიმორნაფილქ ქიჸუ-და, ბირთვულ არმაგედონ ვემოჩირთუნა“ (ამერიკაშ შეერთებულ შტატეფიშ პრეზიდენტ ჯო ბაიდენ, 6 ოქტომბერ, 2022 წანა).

•    მუჟამსით უკრაინაშ პრეზიდენტის ვოლოდიმერ ზელენსკის, ატომურ იარაღიშ გურშენ კითხეს, თიქ თეცალ მუდგარენ თქუ: „შილებე მალას მთელ მსოფლიოქ ბირთვულ არმაგედონიშ საფრთხეშ წოხოლე ქიგედირთას“ („ბი-ბი-სი ნიუს“, 8 ოქტომბერ, 2022 წანა).

 ქორენო შეიოლებერ, ატომურ იარაღიშ გიმორნაფათ ბირთვულ არმაგედონქ ქუმოხვადას? მუს იჩიებ ბიბლია?

 ვარ. სიტყვა „არმაგედონ“ ბიბლიას ხვალე ართშა, გამოცხადებაშ 16:16-ის რე მოშინაფილ. თინა ერეფ შქას ომს ვა ნიშნენს, თენა რე ღორონთიშ ომი, ნამუთ აღვენუ „მთელ მსოფლიოშ მეფეეფწკუმა“ (გამოცხადება 16:14). ღორონთ არმაგედონიშ ჭყოლოფათ ბოლოს მუღენს ადამიანეფიშ მართველობას (დანიელი 2:44).

 თიშ გაგებელო, მუს ნიშნენს არმაგედონ დო მუ აღოლე უკულ დედამიწას, წეკითხით სტატია „მუ რე არმაგედონ?“

 ვარ. მსოფლიო მართველეფქ ბირთვულ იარაღ გეგმირინუანინ ხოლო, ღორონთ ვა დუშვენს დედამიწაშ განადგურებას. ბიბლიას ჭარჷ:

•    „დედამიწა მარადიულო სქიდუ“ (ეკლესიასტე 1:4).

•    „მართალეფ დემკვიდრენა დედამიწას დო მარადიულო იცხოვრენა თექ“ (ფსალმუნი 37:29).

 ბიბლიურ წინასწარმეტყველებეფ დო მსოფლიოს ხვადუნ თი მოვლენეფ ჯგირო ოძირანს, ნამდა კაცობრიობაშ ისტორიას დიდ ცვლილებეფ ქუმოხვადუ (მათე 24:3—7; 2 ტიმოთე 3:1—5). ქიგეგით, მუს იჩიებ ბიბლია მომავალწკუმა დაკავშირებით, მუდგას მიგეხვარებნა ბიბლიაშ გურაფა დამხმარეწკუმა ართო.