Patelle io karazan̈a ankora an̈aty rano an̈y. Karokany somary marangidrangitry, avio nifinany koa hafa oe. Mahery be izio fotony fibra matify maro mifampipetapetaka, vita amy mineraly mahery be izio. Fon̈onizio proteiny malemilemy.

 Diniha hely baka: Taova fihinanany patelle io mira lela, sady amizio feno nify madiniky milahatra sady mibiloko. Latsakany milimetara araiky nifinany tsiaraikiaraiky. Karaha asany larapy in̈y fo asany nify aby io. Nifinany io tsy maintsy mahery ndreky matanjaka mare matoa lera izy fa handeha hihina in̈y, izy mahavita mikaoko ahitry amy vato.

 Manampahizan̈a aby io mampiasa mikroskopy avo lenta hizahan̈a angovo farany tondrany nifiny patelle io. Izikoa ampitovisin̈y amy raha hafa nidinihindro, hitandro fa raha io ten̈a matanjaka, tsy mora tapaka, sady mbala matanjaka tozay faraoratrany foko. Karaha ty nivolan̈iny lelahy araiky nitariky fikarohan̈a io: “Atsika mba tokony mangala tahaka firafitriny nifiny patelle izikoa atsika fa mamoron̈o raha.”

 Manampahizan̈a aby io mihevitry fa izikoa iro man̈amboatra fitaovan̈a mira nifiny patelle, izio mety hampiasain̈a han̈amboaran̈a tomobily na sambo na avion na koa solonify foeky.

 Akory hevitrinao? Nifiny patelle io ma vokatrany evolision, sa izio nisy namoron̈o?