“Zaho koa fa kivy, Jehovah man̈amia korazy zaho baka amindro hira amy Tele JW ao.”​—Lorraine, Etazonỳ.

Efa rango zay Kristianin̈y nan̈ano hira hideran̈a Zan̈ahary. (Kol. 3:16) Izikoa hira aby io ianaranao tsianjery, iro io afaka han̈ampy anao nata tsisy boky fihiran̈a na fitaovan̈a elektroniky aminao. An̈ohara sosokevitry aby ty fa mety han̈ampy anao hahazo onon̈o hira aby io.

• Vakia tsara tononkira baka hainao raha tiany volan̈iny. Izikoa hainao dikany raha araiky, ho moramora aminao hahazo onon̈o izio. Hitanao amy jw.org ao tononkirany hirantsika jiaby, an̈isanizen̈y hira miboaka amy Tele JW avio hirany tsaiky. Midira amy Raha Misy Ato, avio amy Lamoziky.

• Adikà amy taratasy tononkira. Zen̈y han̈ampy anao hahazo onon̈o tsarabe izio.​—Deot. 17:18.

• Hirà mare izio. Ampodimpodiana vakin̈y na hirain̈a matetiky izio.

• Zahava asa efa hainao tsianjery izio. Ataova tsianjery volan̈a aby io fa aza tsendriky mizaha soratra, baka io zahava amy zay asa nety.