Maro olo mieritreritry fa efa tsy ho voavaha foeky problemo eran-tany hiboaka amy taon̈o 2024 ty. Ndray zen̈y, atsika mbala afaka hanan̈a fan̈antinan̈a tsara momba ny amaray. Aia hahitantsika zen̈y?

 Baiboly mampan̈anten̈a fa Zan̈ahary handeha han̈adoso problemo jiaby mahavy fiain̈anantsika karaha fa tsisy raha mety antinain̈y. Tsy ho ela, Zan̈ahary “hamafa ranomaso jiaby amy [masontsika], fahafatesan̈a tsy ho hisy eky, alahelo tsy ho hisy, tarain̈y tsy ho hisy, tehotehoko tsy ho hisy.”​—Apokalypsy 21:4.

•   Baka hahaizanao tsarabe irô fampan̈antinan̈a baka amy Baiboly momba ny amaray, vakia lahatsoratra “Mbola Hihatsara ve ny Fiainana Amin’ny Hoavy?”

 Baiboly man̈amia fan̈antinan̈a momba ny amaray, han̈ampy anao ho hisy korazy fo, aviô hifantoko amy lafintsaran-draha fo. (Romanina 15:13) Baiboly koa misy torohevitry afaka han̈ampy anao hiatriky problemo mety ho tôjy anao amy ziôty, karaha ataon’ny tsy fanan̈ana, tsy rariny, ndreky aretin̈y.

•   Zahava akôry nahavy fan̈antinan̈a baka amy Baiboly nan̈ampy lelahy araiky, nahita fahasambaran̈a ndreky ravoravo fo, nata izy masikiny. Zahava video Juan Pablo Zermeño: Nataon’i Jehovah Mahafinaritra Be ny Fiainako.

•   Baka hahaizanao akôry han̈ampian’ny Baiboly anao, izikoa anao mahatsapa ten̈a karaha tsisy dikany, malahelo mare, miasaloha mare, aviô naty havan̈a. Vakia lahatsoratra “Misy Volan̈a Mety Hankahery Zaho ma An̈atiny Baiboly Io?”

•   Zahava akôry nahavy maramila araiky “ratsy fan̈ahy aviô tsy nijery olo foeky” nanjary nanan̈a fan̈antinan̈a baka tamy raha nianarany tamy Baiboly. Zahava video Navelako ny Basiko.

 Ataova raha hankafizanao ndreky fianakavian̈anao taon̈o 2024 ty. Ianara tsarabe akôry ataon’ny Baiboly man̈ampy anao. Man̈ohara fianaran̈a Baiboly tsy man̈efa. Zahava koa akôry ataon’ny Zan̈ahary ‘han̈amia anao fiadan̈ana’ amy ziôty ndreky “hoavy tsara ndreky fan̈antinan̈a.”​—Jeremia 29:11.