Amy 27 Zanvie 2023, Andra Iraisampirenena Ahatsiarovan̈a Famonoan̈a Olo Tambabe, ke olo maro hankalaza izio. Ten̈a nampikiriaka mare raha nandalo efa mandilatrany 75 taon̈o loso io, ke anao mety tafieritreritry nan̈ino Zan̈ahary nan̈ambela hisy Famonoan̈a Olo Tambabe.

•   Izikoa tianao hahay raha volan̈iny Baiboly, vakia lahatsoratra “Nahoana no Navelan’Andriamanitra Hamono Olona Tambabe ny Nazia?”

 Nijaly mare Jiosy aby io fotony naro tamindro naty tamy Famonoan̈a Olo Tambabe io. Antapitrisany iro nivonen̈a avio efa voaoman̈a tsara tetiky namonoan̈a iro. Nisy olo hafa koa ninjehin̈y ndreky nivonen̈a tamy Famonoan̈a Olo Tambabe io. An̈isanizen̈y Vavolombelon̈o Jehovah. Iro ninjehin̈y nohony iro nino raha volan̈iny Baiboly.

•   Izikoa anao tihahazo fan̈ampiny fan̈azavan̈a, vakia lahatsoratra “Inona no Nanjo ny Vavolombelon’i Jehovah Nandritra An’ilay Famonoana Tambabe Nataon’ny Nazia?”

 Maro olo mavozo tsao mbala hisy raha ratsy karaha Famonoan̈a Olo Tambabe io himpody ndraiky. Nakiry izy fo, Baiboly mivolan̈a fa tsy ho hisy antambo ambaka zen̈y eky aminy amaray.

•   “‘Ke haiko tsarabe raha efa niritriretiko hatao anaro,’ volan̈iny Jehovah. ‘Zaho mieritreritry han̈amia anaro fiadan̈ana fa tsy antambo, baka anaro hanan̈a hoavy tsara ndreky fan̈antinan̈a.’”​—Jeremia 29:11. a

 Ho tanteraka fan̈antinan̈a zen̈y lera Jehovah Zan̈ahary man̈afoan̈a raha ratsy ndreky vokatranizen̈y. Teteky iô izy:

•   Handripaka olo ratsy fan̈ahy mampijaly olo aby io.​—Ohabolana 2:22.

•   Han̈adoso fijalian̈a ndreky tehotehoko jiaby.​—Apokalypsy 21:4.

•   Hamelon̈o ndraiky olo efa maty baka hiain̈y ambony tany eto.​—Jaona 5:28, 29.

 Mankahery raha ampan̈antinainy Baiboly, sady mety atokisanao. Izikoa tianao ho hay antony, zahay mandrisiky anao han̈andran̈a taridalan̈a momba fianaran̈a Baiboly. Tsy man̈efa fianaran̈a io.