AJIMUCHE! Na. 2 2017 | Kogoya Kwakutenda Soni Kulupilila Yamisimu
Masiku agano, mafidiyo soni mapologalamu ga pa TV gagumbele ni yamasenga, yausaŵi, soni yakusyuka.
Ana akuganisya wuli? Ana pangali yakusawusya yiliyose yampaka yipagwe naga mundu akutenda nawo yamisimu, kapena yipali?
Magasini ajino ja “Ajimuce!” jikutagulila ligongo lyakwe ŵandu akunonyela mnope yamisimu, kogoya kwakutenda soni kulupilila yamisimu.
COVER SUBJECT
Ŵandu Ŵajinji Akunonyela Mnope Yamisimu
Yine mwa yamisimu yakuyinonyela mnope ŵandu yili mpela yausaŵi, yakusyuka, yakamulwa ni yiŵanda, soni yitopoto. Ligongo cici ŵandu akusasangalala ni yeleyi?
COVER SUBJECT
Ana Baibulo Jikusasala Yamtuli Pakwamba Yamisimu?
Atamose kuti ŵandu ŵane akusakayicila kuti yamisimu yipali, nambo Baibulo jikusatukalamusya mwamacili ngani jeleji. Ana Malemba gakusasala yamtuli pangani jeleji, soni ligongo cici?
ANA YATESILE KUPANGANYIDWA
Kutula kwa Lujuci
Ana cici calukusatenda lujuci palukutula cacitendekasisye ŵasayasi mpaka kusaka kulinganya yindu yakombola kutula mpela lujucilu?
YAKAMUCHISYA LIŴASA
Kupilila Ciwa ca Nangolo
Nangolo pawile yikusaŵa yakupweteka mnope. Ana cici campaka cakamucisye ŵacinyamata kupilila yeleyi payitendekwe?
Yampaka Yakamucisye Ŵanace Kupilila Ciwa
Ana Baibulo jakamucisye camtuli ŵanace ŵatatu kupilila ciwa ca acinangolo wawo?
MALO SONI ŴANDU
Cilambo ca Spain
Cilambo ca Spain cikwete yindu yejinji soni mitundu jakulekanganalekangana ja ŵandu. Yejinji mwa mtundu wine wa cakulya cakusosekwa mnope pacilambo cosope cikusatyocela ku Spain.
YAJIKUSASALA BAIBULO
Mtanda
Ŵandu akusawuwona mtanda mpela cimanyilo ca dini ja Ciklistu. Ana Yesu jwawilile pamtanda? Ana ŵakulijiganya ŵa Yesu ŵakamulicisyaga masengo mtanda pakulambila kwawo?
Ana Akusaka Kujipikanicisya Baibulo?
Apate yakusosekwa kutenda soni yangakusosekwa kutenda ni cakulinga cakuti awupikanicisye utenga wa Baibulo.